Չի կարելի ազգային անվտանգության հարցերը դարձնել միջանձնային հարաբերությունները պարզելու բան․ Վլադիմիր Վարդանյան․ Տեսանյութ

«Հերիք եղավ, բոլ եղավ, չի կարելի ազգային անվտանգության հարցերը դարձնել միջանձնային հարաբերությունները պարզելու բան։

Բոլորս շահագրգռված ենք, համար մեկ պարտականությունն է հանդիսանում,  յուրաքանչյուրիս՝ սովորական մշակից սկսած, ավարտված հանրապետության նախագահով, վարչապետով, կառավարության անդամ, ընդդիմությամբ, ապահովել երկրի անվտանգությունը»,-այդ մասին այսօր լրագրողների հետ զրույցում ասաց «Իմ քայլը» խմբակցության պատգամավոր Վլադիմիր Վարդանյանը։  

Նա նշեց, որ երկրի անվտանգությունն ապահովելու հարցում պետք է գործ անել, այլ ոչ թե այս կամ այն կերպ մանիպուլյատիվ  դատողություններ անել, ինչն ավելի է վտանգում երկիրը։

Պատգամավորի խոսքով ցանկացած տեսակի արտահայտություն, որն իր բնույթով ոչինչ չի տալիս, այլ ըստ էության, երկրի պաշտպանունակությունն է թուլացնում, անընդունելի է։