ԲԴԽ որ անդամներն են «կողմ» քվեարկել դատավոր Մնացական Մարտիրոսյանի՝ կոռուպցիոն հանցագործություններ քննող դատավորի պաշտոնում նշանակվելուն․ hetq.am
Հայաստան
Բարձրագույն դատական խորհուրդը երեկ հայտարարություն տարածեց, ըստ որի` տեղի է ունեցել հակակոռուպցիոն քաղաքացիական գործեր քննող և կոռուպցիոն հանցագործությունների քննություն իրականացնող դատավորների կազմում ընդգրկվելու համար դատավորների ընտրության հարցազրույցի փուլը: Հակակոռուպցիոն քաղաքացիական ուղղվածություն ունեցող 10 հավակնորդից հարցազրույցի փուլն անցել են Աննա Շիլաջյանը և Ռուդոլֆ Ավագյանը, իսկ կոռուպցիոն հանցագործություններ քննող դատավորների կազմում ընդգրկելու համար ԲԴԽ-ն երկու թեկնածուներից նախապատվությունը տվել է Երևան քաղաքի ընդհանուր իրավասության դատարանի դատավոր Մնացական Մարտիրոսյանին:
Իրավաբանական հանրության շրջանում երեկվանից տարակուսանք է առաջացրել հատկապես Մնացական Մարտիրոսյանի ընտրությունը: Նա ընկալվում է որպես իշխանությունների «պատվեր կատարող» դատավոր: Հիմնականում Մնացական Մարտիրոսյանի դատավճիռներ, որոշումներով են իրականացվել քաղաքական գործիչների դատապարտումներն ու կալանավորումները, այդ թվում նախկինում ընդդիմադիր, այժմ վարչապետ Նիկոլ Փաշինյանի ազատազրկումը, «Մարտի 1»-ի գործով քաղաքական գործիչների ազատազրկումները և այլն: Հետագայում այդ դատական ակտերը հասել են մինչև Մարդու իրավունքների Եվրոպական դատարան և ընդդեմ Հայաստանի վճիռներ կայացվել:
ՄԻԵԴ-ի վճիռներից մեկի հիմքով, որը վերաբերում էր ԲԴԽ նախագահի նախկին պաշտոնակատար Գագիկ Ջհանգիրյանի եղբորը, կարգապահական վարույթ էր հարուցվել Մնացական Մարտիրոսյանի նկատմամբ: Սակայն 2022թ. նոյեմբերի 3-ին ԲԴԽ-միջնորդության քննությունը թողեց առանց քննության՝ ԲԴԽ-ում հարցի քննության օրենքով սահմանված ժամկետը լրացած լինելու հիմքով:
Նշենք, որ նախկինում ԲԴԽ-ն չէր հրապարակում, թե հավակնորդներից կամ թեկնածուներից ում քանի կողմ-դեմ ձայն է տրվել: Երեկվա հայտարարության մեջ նշված էր, որ Աննա Շիլաջյանի օգտին քվեարկել է ԲԴԽ 7 անդամ, դեմ` 2: Մնացական Մարտիրոսյանն ու Ռուդոլֆ Ավագյանը ստացել են 6-ական կողմ և 3 դեմ ձայներ:
«Հետք»-ին հայտնի դարձավ, որ Մնացական Մարտիրոսյանի թեկնածությանը դեմ են քվեարկել ԲԴԽ նախագահ Կարեն Անդրեասյանը, անդամներ` Երանուհի Թումանյանցն ու Վիգեն Քոչարյանը: Քանի որ ընտրությունը փակ է եղել, ԲԴԽ անդամները չեն բացահայտում անվանական քվեարկության արդյունքները: Սակայն, ձայների հարաբերակցությունը հրապարակվել է հատկապես Մ. Մարտիրոսյանի գործոնով պայմանավորված` ցույց տալու համար, որ նրա ընտրությունը հարթ չի անցել և բոլորը չէ, որ կողմ են քվեարկել:
Ովքեր էին հավակնորդ թեկնածուները
Հարցազրույցի փուլում Մնացական Մարտիրոսյանի հետ ԲԴԽ-ում «մրցել» է փաստաբան Սոֆի Թորոսյանը: Նա որակավորման գրավոր քննության արդյունքում ամենաբարձր միավոր ստացած մասնակիցն է եղել: Հենց իր ստացած միավորի արդյունքում է անցել հարցազրույցի փուլ և ԲԴԽ անդամների ընտրության արդյունքում պարտվել Մարտիրոսյանին:
Հակակոռուպցիոն քաղաքացիական գործեր քննող դատավորների ընտրության հարցազրույցի փուլը հաղթահարած երկու հավակնորդներից Աննա Շիլաջյանը Դատական դեպարտամենտի դատավորներին և թեկնածուներին առնչվող հարցերի վարչության պետն է:
Աննա Շիլաջյանի ամուսինը եղել է ՊԵԿ ներքին անվտանգության վարչության օպերատիվ փնտրողական և պարզաբանման բաժնի գլխավոր մաքսային տեսուչ, իսկ ամուսնու քույրը Երևան քաղաքի ընդհանուր իրավասության դատարանի դատավոր Լիլիթ Սարգսյանն է:
Ինչ վերաբերում է ընտրված թեկնածուներից Ռուդոլֆ Ավագյանին, ապա վերջինս ընտրված թեկնածուներից Աննա Շիլաջյանի տալոջ` Երևան քաղաքի ընդհանուր իրավասության դատարանի դատավոր Լիլիթ Սարգսյանի օգնական է:
Նրա 2021թ. եկամուտը, ըստ հայտարարագրի, կազմել է 3 մլն 744 հազար դրամ: Որպես կանխիկ գումար հայտարարագրել է 85 հազ. ԱՄՆ դոլար: Իսկ բանկային հաշվում ունեցել է մոտ 778 հազ. դրամ:
Մանրամասները՝ hetq.am
Իրավաբանական հանրության շրջանում երեկվանից տարակուսանք է առաջացրել հատկապես Մնացական Մարտիրոսյանի ընտրությունը: Նա ընկալվում է որպես իշխանությունների «պատվեր կատարող» դատավոր: Հիմնականում Մնացական Մարտիրոսյանի դատավճիռներ, որոշումներով են իրականացվել քաղաքական գործիչների դատապարտումներն ու կալանավորումները, այդ թվում նախկինում ընդդիմադիր, այժմ վարչապետ Նիկոլ Փաշինյանի ազատազրկումը, «Մարտի 1»-ի գործով քաղաքական գործիչների ազատազրկումները և այլն: Հետագայում այդ դատական ակտերը հասել են մինչև Մարդու իրավունքների Եվրոպական դատարան և ընդդեմ Հայաստանի վճիռներ կայացվել:
ՄԻԵԴ-ի վճիռներից մեկի հիմքով, որը վերաբերում էր ԲԴԽ նախագահի նախկին պաշտոնակատար Գագիկ Ջհանգիրյանի եղբորը, կարգապահական վարույթ էր հարուցվել Մնացական Մարտիրոսյանի նկատմամբ: Սակայն 2022թ. նոյեմբերի 3-ին ԲԴԽ-միջնորդության քննությունը թողեց առանց քննության՝ ԲԴԽ-ում հարցի քննության օրենքով սահմանված ժամկետը լրացած լինելու հիմքով:
Նշենք, որ նախկինում ԲԴԽ-ն չէր հրապարակում, թե հավակնորդներից կամ թեկնածուներից ում քանի կողմ-դեմ ձայն է տրվել: Երեկվա հայտարարության մեջ նշված էր, որ Աննա Շիլաջյանի օգտին քվեարկել է ԲԴԽ 7 անդամ, դեմ` 2: Մնացական Մարտիրոսյանն ու Ռուդոլֆ Ավագյանը ստացել են 6-ական կողմ և 3 դեմ ձայներ:
«Հետք»-ին հայտնի դարձավ, որ Մնացական Մարտիրոսյանի թեկնածությանը դեմ են քվեարկել ԲԴԽ նախագահ Կարեն Անդրեասյանը, անդամներ` Երանուհի Թումանյանցն ու Վիգեն Քոչարյանը: Քանի որ ընտրությունը փակ է եղել, ԲԴԽ անդամները չեն բացահայտում անվանական քվեարկության արդյունքները: Սակայն, ձայների հարաբերակցությունը հրապարակվել է հատկապես Մ. Մարտիրոսյանի գործոնով պայմանավորված` ցույց տալու համար, որ նրա ընտրությունը հարթ չի անցել և բոլորը չէ, որ կողմ են քվեարկել:
Ովքեր էին հավակնորդ թեկնածուները
Հարցազրույցի փուլում Մնացական Մարտիրոսյանի հետ ԲԴԽ-ում «մրցել» է փաստաբան Սոֆի Թորոսյանը: Նա որակավորման գրավոր քննության արդյունքում ամենաբարձր միավոր ստացած մասնակիցն է եղել: Հենց իր ստացած միավորի արդյունքում է անցել հարցազրույցի փուլ և ԲԴԽ անդամների ընտրության արդյունքում պարտվել Մարտիրոսյանին:
Հակակոռուպցիոն քաղաքացիական գործեր քննող դատավորների ընտրության հարցազրույցի փուլը հաղթահարած երկու հավակնորդներից Աննա Շիլաջյանը Դատական դեպարտամենտի դատավորներին և թեկնածուներին առնչվող հարցերի վարչության պետն է:
Աննա Շիլաջյանի ամուսինը եղել է ՊԵԿ ներքին անվտանգության վարչության օպերատիվ փնտրողական և պարզաբանման բաժնի գլխավոր մաքսային տեսուչ, իսկ ամուսնու քույրը Երևան քաղաքի ընդհանուր իրավասության դատարանի դատավոր Լիլիթ Սարգսյանն է:
Ինչ վերաբերում է ընտրված թեկնածուներից Ռուդոլֆ Ավագյանին, ապա վերջինս ընտրված թեկնածուներից Աննա Շիլաջյանի տալոջ` Երևան քաղաքի ընդհանուր իրավասության դատարանի դատավոր Լիլիթ Սարգսյանի օգնական է:
Նրա 2021թ. եկամուտը, ըստ հայտարարագրի, կազմել է 3 մլն 744 հազար դրամ: Որպես կանխիկ գումար հայտարարագրել է 85 հազ. ԱՄՆ դոլար: Իսկ բանկային հաշվում ունեցել է մոտ 778 հազ. դրամ:
Մանրամասները՝ hetq.am