Ճամբարակի ոստիկաններն ապօրինի փայտանյութ են հայտնաբերել

Ոստիկանության Ճամբարակի բաժնի ծառայողները ապօրինի ծագում ունեցող փայտանյութի տեղափոխման վերաբերյալ օպերատիվ տեղեկություններ էին ստացել։ Այս մասին հայտնում են ՀՀ ոստիկանությունից:

Դրանք ստուգելու նպատակողվ ձեռնարկված միջոցառումների արդյունքում հունիսի 11-ին, ապօրինի փայտանյութ տեղափոխելու կասկածանքով, ստուգվեց Թթուջուր գյուղի սկզբնամասում կայանված 31-ամյա տղամարդու «ԳԱԶ» մակնիշի բեռնատարը։ Հայտնաբերվեց շուրջ 2,5 խմ փայտանյութ՝ առանց համապատասխան փաստաթղթի:

Տղամարդն իրավապահներին հայտնեց, որ փայտանյութը ձեռք էր բերել Տավուշի մարզում։ Ավտոմեքենան տեղափոխվել է բաժնի պահպանվող հատուկ տարածք:
Հանգամանքները պարզվում են։