Լարսի հարցը լուծում չի ստացել․ ՀՀ-ից դուրս է եկել ու դեռևս Ռուսաստանում ձևակերպում չի ստացել մոտ 750 հայկական բեռնատար. մի մասը ճանապարհին է, մի մասը՝ Լարսի անցակետում. Հակառակ ուղղությամբ ևս ունենք 900 բեռնատար. ՌԴ-ում ՀՀ մաքսային կցորդ
Տնտեսություն
«Այս պահի դրությամբ ՀՀ-ից դուրս է եկել ու դեռևս Ռուսաստանի Դաշնությունում ձևակերպում չի ստացել մոտ 750 հայկական բեռնատար՝ մի մասը ճանապարհին է, մի մասը՝ Լարսի անցակետում։ Հակառակ ուղղությամբ ևս ունենք 900 բեռնատար»,- այս մասին ասաց ՌԴ-ում ՀՀ դեսպանության մաքսային կցորդ Վահան Հակոբյանը։
Վահան Հակոբյանը նշեց, որ խնդիրը դեռևս լուծում չի ստացել. «Այս պահի դրությամբ բեռնատարների վերադարձները շարունակվում են։ Արդեն մոտ 60-70 վերադարձով բեռնատարներ ունենք խնդիրը առաջանալուց մինչև այս պահը»։
Հարցին, թե արդյոք ընդհանրապես բեռնատար չի՞ անցել Լարսի անցակետը, Հակոբյանը պատասխանեց. «Ինչ-որ բեռներ կան, որ անցել են, բայց հստակ թիվ այս պահին դեռ չունենք։ Սպասում ենք նոր տվյալների»։
Ինչ վերաբերում է այսօր տեղի ունեցած ԵՏՄ նիստին, որում ՀՀ-ն բարձրաձայնել էր խնդիրը, Հակոբյանը ասաց. «Քննարկման արդյունքում որոշվել է, որ «Ռոսսելխոզնադզորը», ռուսական և հայկական ՍԱՏՄ-ները աշխատանքային քննարկումներ կունենան, որի արդյունքում կփորձեն խնդիրը կարգավորել և լուծումներ գտնել։ Այս պահի դրությամբ խնդիրը դեռ կա, բայց գոնե աշխատանքները սկսվել են, և հույս ունեմ, որ շուտով կունենանք արդյունք»։
Նշենք, որ էկոնոմիկայի նախարար Վահան Քերոբյանն այսօր մեր հարցին, թե քաղաքական ենթատեքստ տեսնո՞ւմ է խնդրի մեջ, պատասխանել է. «Եկեք ես այս հարցին չպատասխանեմ, քանի դեռ մենք վերջնական եզրակացությունը չունենք»։
Դավիթ Լևոնյան
Վահան Հակոբյանը նշեց, որ խնդիրը դեռևս լուծում չի ստացել. «Այս պահի դրությամբ բեռնատարների վերադարձները շարունակվում են։ Արդեն մոտ 60-70 վերադարձով բեռնատարներ ունենք խնդիրը առաջանալուց մինչև այս պահը»։
Հարցին, թե արդյոք ընդհանրապես բեռնատար չի՞ անցել Լարսի անցակետը, Հակոբյանը պատասխանեց. «Ինչ-որ բեռներ կան, որ անցել են, բայց հստակ թիվ այս պահին դեռ չունենք։ Սպասում ենք նոր տվյալների»։
Ինչ վերաբերում է այսօր տեղի ունեցած ԵՏՄ նիստին, որում ՀՀ-ն բարձրաձայնել էր խնդիրը, Հակոբյանը ասաց. «Քննարկման արդյունքում որոշվել է, որ «Ռոսսելխոզնադզորը», ռուսական և հայկական ՍԱՏՄ-ները աշխատանքային քննարկումներ կունենան, որի արդյունքում կփորձեն խնդիրը կարգավորել և լուծումներ գտնել։ Այս պահի դրությամբ խնդիրը դեռ կա, բայց գոնե աշխատանքները սկսվել են, և հույս ունեմ, որ շուտով կունենանք արդյունք»։
Նշենք, որ էկոնոմիկայի նախարար Վահան Քերոբյանն այսօր մեր հարցին, թե քաղաքական ենթատեքստ տեսնո՞ւմ է խնդրի մեջ, պատասխանել է. «Եկեք ես այս հարցին չպատասխանեմ, քանի դեռ մենք վերջնական եզրակացությունը չունենք»։
Դավիթ Լևոնյան