ԱԺ խորհուրդը վաղն արտահերթ նիստ կգումարի՝ 33 ընդդիմադիր պատգամավորների լիազորությունները դադարեցնելու հարցով ՍԴ դիմելու համար

ԱԺ խորհուրդը վաղը՝ հուլիսի 14-ին, ժամը 18։30-ին, արտահերթ նիստ կգումարի՝ ընդդիմադիր խմբակցությունների պատգամավորների լիազորությունները դադարեցնելու հարցով ՀՀ Սահմանադրական դատարան դիմելու համար։ Ըստ նախագծի՝ ԱԺ խորհուրդը հիմք է ընդունել Սահմանադրության 98-րդ հոդվածի 2-րդ մասը, «Ազգային ժողովի կանոնակարգ» սահմանադրական oրենքի 156-րդ հոդվածը, առաջնորդվելով Սահմանադրության 169-րդ հոդվածի 5-րդ մասով, «Ազգային ժողովի կանոնակարգ» սահմանադրական oրենքի 28-րդ հոդվածի 1-ին մասի 6-րդ կետով։

Նշենք, որ նախագիծը վերաբերում է «Հայաստան» և «Պատիվ ունեմ» խմբակցությունների 33 պատգամավորի։ Ընդդիմությունից այս ցանկում չեն միայն Թագուհի Թովմասյանն ու Իշխան Զաքարյանը։