Ես ուզում եմ մի քանի կետ բացարձակապես հստակ նշել. Իսրայելը մտադիր չէ մշտապես օկուպացնել Գազան կամ տեղահանել նրա խաղաղ բնակչությանը․
ասել է Իսրայելի վարչապետ Բենիամին Նեթանյահուն։
«Իսրայելը պայքարում է ՀԱՄԱՍ-ի ահաբեկիչների դեմ, այլ ոչ թե պաղեստինցիների, և մենք դա անում ենք միջազգային իրավունքին լիովին համապատասխան:
Հիշեցնենք, որ ԱՄՆ նախագահ Ջո Բայդենն ասել էր, որ Իսրայելը, շարունակելով ռմբակոծել Գազայի հատվածը, կորցնում է միջազգային հանրության աջակցությունը, և Բենիամին Նեթանյահուի գլխավորած կառավարությունը պետք է փոխի իր մոտեցումը ՀԱՄԱՍ-ի հետ պատերազմում։
Նշենք նաև, որ ՄԱԿ-ի դատարանում, Հարավաֆրիկյան Հանրապետության դիմումի հիման վրա, մեկնարկել են Գազայում ցեղասպանության իրականացման մեղադրանքով Իսրայելի դեմ լսումները։ ՀԱՀ-ը պահանջում է դատարանից ժամանակավոր միջոց կիրառել, որը կպարտավորեցնի Իսրայելին անհապաղ դադարեցնել տարածաշրջանում ռազմական գործողությունները։
Անահիտ Խաչատրյան
