Թուրքիան  կարող է շարունակել  բնական գազի պարտքի վճարումներ կատարել  «Գազպրոմ» բանկի միջոցով։ Այս մասին հայտնել է Թուրքիայի էներգետիկայի և բնական պաշարների նախարար Ալփարսլան Բայրաքթարն ամերիկացի գործընկերների հետ հանդիպումից հետո։

Նշենք, որ ռուսական «Գազպրոմ» բանկը ներառված է ԱՄՆ-ի պատժամիջոցների ցանկում, բայց այդ հարցում Թուրքիային տրվել են արտոնություններ։

Ըստ Բայրաքթարի՝ ԱՄՆ-ի այդ որոշումն ուղղակիորեն կազդի Ռուսաստանի հետ Թուրքիայի բնական գազի առևտրի վրա։ Նա նաև հիշեցրել է, որ նման արտոնություն Թուքրիային տրվել է Իրանի դեմ պատժամիջոցների գործընթացում և եթե նման արտոնություն չտրվի դա կարող է նշանակել, որ պատժամիջոցների թիրախ է նաև Թուրքիան։

Նշենք, որ այս հարցի շուրջ այլընտրանքային լուծումներ գտնելու համար Թուրքիան բանակցություններ է վարել Ռուաստանի հետ և քննարկվել են հնարավոր սցենարները։

Հիշեցնենք, որ նոյեմբերի 21-ին ԱՄՆ-ն պատժամիջոցներ է սահմանել բանկի և նրա վեց օտարերկրյա դուստր ձեռնարկությունների նկատմամբ։

Աղբյուր`    apital.com.tr