Վրաստանում տեղի է ունենում տարբեր ընկերությունների ու կազմակերպությունների աշխատողների, ինչպես նաև նրանց ղեկավարության նախազգուշական գործադուլ՝ ցույց տալու համար, թե ինչի կարող է բախվել պետությանը մեկուսացման դեպքում։
«Տնտեսական լճացում, փակ ձեռնարկություններ, աղքատություն և գործազրկություն: Իսկ սպառնալիքն ու լուծումը բոլորի համար ընդհանուր է՝ նոր ընտրություններ և ձերբակալվածների (ակցիաների մասնակիցների) ազատ արձակում»,- ասվում է գրառման հեղինակների հայտարարության մեջ։
Գործադուլին քաղաքացիների մասնակցության կոչը տարածվել է սոցիալական
ցանցերի միջոցով՝ Protest 24 հարթակով։
Տարբեր լրատվամիջոցներ հայտնում են, որ
հարյուրավոր ընկերություններ մտադրություն են հայտնել մասնակցելու գործադուլին,
որը կտևի մի քանի ժամ։
Երկրի խոշորագույն բանկերը՝ «Բանկ Գրուզիա»-ն և «Տի-բի-սի»-ն, հայտարարել են, որ չեն խոչընդոտի
իրենց աշխատակիցների գործադուլին։
Նախազգուշական գործադուլի մասնակիցներին իր
աջակցությունն է հայտնել Վրաստանի հինգերորդ նախագահ Սալոմե Զուրաբիշվիլին։
