Մատաղ արեք, որ այդ հերոս, սահմանապահ բնակիչները մեկ ամսում ամենախելոքից մինչև ամենավտանգավոր մտքերը լսեցին, բայց տոն չտվեցին անհասկանալի զարգացումներին
Քաղաքականություն
ՄԱՀՀԻ ղեկավար Ստյոպա Սաֆարյանը ֆեյսբուքյան իր էջում գրել է.
Իշխանությունով, ընդդիմությունով ու բոլորով
Մատաղ արեք Տավուշի Բաղանիս և Ոսկեպար գետակների հովտի բոլոր բնակավայրերի, տո ամբողջ Տավուշի ժողովրդի համար, որ շատ տեղեր իր համար անբարենպաստ անվտանգային լուծումների դեմ լուռ մռնչալով, այս պահին տոտալ սթրես տանելով, իսկ հետագայում էլ՝ այդ ճանապարհով ամեն օր երթևեկելիս, իր տանը քնելիս բոլոր ռիսկերն իր վրա վերցնելով խոշոր հաշվով չի արգելափակում Հայաստան-Ադրբեջան սահմանազատումն իր մոտից, նաև իր կաշվից հաշվին՝ հանուն նրա, որ պրոցեսը շարունակություն ունենա Վարդենիսում, Սև լճերում, Ջերմուկում ու Իշխանասարում, հավատալով, որ տնկված սահմանաձողերը ավելի շատ խաղաղության ու անվտանգության մասին են․․․
Մատաղ արեք, որ այդ հերոս, սահմանապահ բնակիչները էս մեկ ամսում ամենախելոքից մինչև ամենավտանգավոր մտքերը լսեցին, քուն ու դադար կորցրեցին, բայց տոն չտվեցին իր համար անհասկանալի զարգացումներին։ Մատաղ արեք թե նրանց համար, ովքեր դա տարան լուռումունջ առանց փողոց դուրս գալու, բայց նաև նրանց համար, ովքեր ինֆորմացիայի պակասից (վատ հանրային հաղորդակցության պատճառով), իշխանության կամ Ադրբեջանի հանդեպ անվստահության կամ այլ պատճառներովով անպատասխան հարցեր ունեին ու փողոց են դուրս գալիս, որոնք իշխանությունն էլ չունի այդ հարցերի պատասխանը․․․
Տավուշցու համար սահմանագծի վրա ամեն մի տնկված սյունը բացարձականացված պաթոսի կամ հիմնազուրկ պախարակման ակմ անեծքի թեմա չի, ինչպես այն վայրկյանապես դարձավ համացանցում։ Նրա համար ամեն մի նման սյունը դեռևս շատ մեծ հարցական է՝ այն քիչ թե շատ երաշխավորված անվտանգությո՞ւն ու խաղաղությո՞ւն է, թե՞ պարտադրված կամ անհեռատեսորեն իրեն մոտեցված վտանգ։
Ու կրկին այս մեծ պաթոսանեծքային աղմուկում բաց է մնում, թե օրինակ կոնկրետ թիվ 1, թիվ 2, թիվ 3 ․․․ Թիվ 33 սյուների կողքը ապրող, քայլող, երթևեկող մարդիկ գետնի վրա ու ընդհանրապես ի՞նչ մակարդակի անվտանգություն են ունենալու․․․
Պաթոսի ու անեծքի փոխարեն սթափվել է պետք, ու պետք է այս մեծ, բարդ խաղում նստել ու լուծել այս ու այլ խնդիրները, թե ինչպես "2,5 գյուղ սահմանագծի դեմ" բանաձևում ստանանք այն, ինչ մերն է, պահենք այն, որը կենսական է, ինչպես Հայաստանի հյուսիսից հասնենք մինչև հարավ, որ Տավուշցու զրկանքը ջուրը չգցենք․․․
Մնացածը չասեմ․․․
Կարդացեք նաև
21 սեպտեմբեր 2023, 17:37
Երիտասարդ մարդիկ եք, ձեր հայրենակիցների հետ դեբոշի փոխարեն մի միջազգային լիդերի հետ կռիվ արեք. Ստյոպա Սաֆարյան
19 ապրիլ 2024, 23:34
Կարմիր գծեր ունեցեք. Կեղծիք է, թե «բանակին իջեցնում են Բաղանիս Այրումի կողքի դիրքից՝ Նոր Տարվա պոստից»
9 մարտ 2024, 12:01
Ինչ անելու եք՝ այսօր արեք. Գագիկ Սուրենյանի զգուշացումը
4 հունիս 2022, 15:24
Էս լաոները ինչքա՞ն ապացուցեն, որ խուլիգան են ու իրենց տեղը ճաղավանդակների մեջ է. Թաթուլ Կրպեյանի քույր
5 ապրիլ 2022, 13:18
«Բա վերահաս վտանգի մասին խոսողը դահուկ քշելու ժամանակ կունենա՞»․ Ստյոպա Սաֆարյանը՝ Ազատության հրապարակում Արցախը փրկելու մասին
19 օգոստոս 2021, 16:16
«Հանուն Հանրապետության» կուսակցության Քաղաքական խորհրդի մի քանի անդամների հետ այցելում ենք Վարդենիսի տարածաշրջանի սահմանային բնակավայրեր․ Արման Բաբաջանյան