Չեմ կարծում, թե հիմա պատերազմ կլինի. Սեյրան Օհանյան
Քաղաքականություն
«Այսօրվա իշխանությունները այսօր սահմաններում տիրող տեղագրական իրավիճակը կապում են Վարչատարածքային բաժանման մասին օրենքի հետ, ինչն անընդունելի է. այդ օրենքը ներքին սպառման համար է: Նույնիսկ եթե այդ օրենքը գոյություն ունի, մենք իրավունք չունեինք նոյեմբերի 9-ի կանգնեցրած պատերազմից հետո սահմանային հատվածներում, որտեղ պետք է հետագայում ռեալ սահմանագծում և սահմանազատում տեղի ունենա, Ադրբեջանին հանձնել ռազմավարական այն բոլոր կետերը, բարձունքները, ճանապարհները, որոնք վիճելի են մեր և Ադրբեջանի միջև»,- այսօր՝ հոկտեմբերի 8-ին, խորհրդարանական ճեպազրույցների ժամանակ ասաց «Հայաստան» խմբակցության ղեկավար Սեյրան Օհանյանը:
Նա նշեց, որ պատերազմական գործողությունների վերսկսման համար պետք է լիարժեք տիրապետել առկա խնդիրներին. «Պատերազմի սպառնալիք միշտ էլ կա, բայց ես կարծում եմ, որ մարտական գործողությունները դեռևս հեռանկարային են, չեմ կարծում, թե հիմա պատերազմ կլինի»:
Սեյրան Օհանյանը նշեց, որ թուրք-ադրբեջանական տանդեմի ծավալապաշտությունն է ստիպել Իրանի Իսլամական Հանրապետությանը իրենց սահմաններում զորավարժություններ կատարել ուժի ցուցադրման և նաև հոգեբանական ազդեցություն իրականացնելու համար:
Նա նշեց, որ պատերազմական գործողությունների վերսկսման համար պետք է լիարժեք տիրապետել առկա խնդիրներին. «Պատերազմի սպառնալիք միշտ էլ կա, բայց ես կարծում եմ, որ մարտական գործողությունները դեռևս հեռանկարային են, չեմ կարծում, թե հիմա պատերազմ կլինի»:
Սեյրան Օհանյանը նշեց, որ թուրք-ադրբեջանական տանդեմի ծավալապաշտությունն է ստիպել Իրանի Իսլամական Հանրապետությանը իրենց սահմաններում զորավարժություններ կատարել ուժի ցուցադրման և նաև հոգեբանական ազդեցություն իրականացնելու համար: