Ժնևում երեկ հանդիպել են ԱՄՆ փոխպետքարտուղարը և ՌԴ ԱԳ փոխնախարարը
Քաղաքականություն
Միացյալ Նահանգների պետքարտուղարի տեղակալ Ուենդի Շերմանը կիրակի օրը Ժնևում հանդիպել է Ռուսաստանի փոխարտգործնախարար Սերգեյ Ռյաբկովի հետ: Այս մասին հայտնել է ԱՄՆ Պետդեպարտամենտի պաշտոնական ներկայացուցիչ Նեդ Փրայսը։
Հաղորդվում է, որ ԱՄՆ պետքարտուղարի տեղակալը և ՌԴ փոխարտգործնախարարը քննարկել են փոխադարձ հետաքրքրություն ներկայացնող հարցեր, որոնց կողմերը կանդրադառնան հունվարի 10-ին Ռազմավարական կայունության երկխոսության շրջանակում արտակարգ հանդիպման ժամանակ։
Շերմանը նշել է, որ Միացյալ Նահանգները կողջունի դիվանագիտական ճանապարհով իրական առաջընթացը: Նա պարզաբանել է, որ ԱՄՆ-ը պատրաստ է քննարկել Ռուսաստանի հետ երկկողմ հարաբերությունների որոշակի խնդիրներ Ռազմավարական կայունության երկխոսության շրջանակում, բայց չի քննարկի եվրոպական անվտանգության հարցերը առանց եվրոպացի դաշնակիցների և գործընկերների մասնակցության։
Պետքարտուղարի տեղակալն ասել է, որ որոշ խնդիրների քննարկումը տեղի կունենա հունվարի 12-ին Բրյուսելում ՆԱՏՕ-Ռուսաստան խորհրդի նիստում, իսկ հունվարի 13-ին՝ Վիեննայում ԵԱՀԿ Մշտական խորհրդի նիստում։
Սերգեյ Ռյաբկովը, ով գլխավորում է ժնևյան բանակցություններում ռուսական պատվիրակությունը, լրագրողներին ասել է, որ Ուենդի Շերմանի հետ նախնական բանակցությունները «դժվարին, բայց գործնական էին», հաղորդում են ռուսական լրատվական գործակալությունները: Ռյաբկովն «Ինտերֆաքս»-ին ասել է, որ լավատես չէ առաջիկա երկխոսության հարցում։
ԱՄՆ պետքարտուղար Էնթոնի Բլինքենն էլ երեկ հայտարարել է, որ չի ակնկալում բեկում ամերիկա-ռուսական անվտանգության բանակցություններում, սակայն հույս ունի՝ կարող են լինել ոլորտներ, որտեղ կողմերը կարող են համաձայնության գալ։ Բլինքենի խոսքով՝ ցանկացած առաջընթաց կախված կլինի բանակցություններում երկու կողմերի գործողություններից։
Աղբյուր՝ azatutyun.am
Հաղորդվում է, որ ԱՄՆ պետքարտուղարի տեղակալը և ՌԴ փոխարտգործնախարարը քննարկել են փոխադարձ հետաքրքրություն ներկայացնող հարցեր, որոնց կողմերը կանդրադառնան հունվարի 10-ին Ռազմավարական կայունության երկխոսության շրջանակում արտակարգ հանդիպման ժամանակ։
Շերմանը նշել է, որ Միացյալ Նահանգները կողջունի դիվանագիտական ճանապարհով իրական առաջընթացը: Նա պարզաբանել է, որ ԱՄՆ-ը պատրաստ է քննարկել Ռուսաստանի հետ երկկողմ հարաբերությունների որոշակի խնդիրներ Ռազմավարական կայունության երկխոսության շրջանակում, բայց չի քննարկի եվրոպական անվտանգության հարցերը առանց եվրոպացի դաշնակիցների և գործընկերների մասնակցության։
Պետքարտուղարի տեղակալն ասել է, որ որոշ խնդիրների քննարկումը տեղի կունենա հունվարի 12-ին Բրյուսելում ՆԱՏՕ-Ռուսաստան խորհրդի նիստում, իսկ հունվարի 13-ին՝ Վիեննայում ԵԱՀԿ Մշտական խորհրդի նիստում։
Սերգեյ Ռյաբկովը, ով գլխավորում է ժնևյան բանակցություններում ռուսական պատվիրակությունը, լրագրողներին ասել է, որ Ուենդի Շերմանի հետ նախնական բանակցությունները «դժվարին, բայց գործնական էին», հաղորդում են ռուսական լրատվական գործակալությունները: Ռյաբկովն «Ինտերֆաքս»-ին ասել է, որ լավատես չէ առաջիկա երկխոսության հարցում։
ԱՄՆ պետքարտուղար Էնթոնի Բլինքենն էլ երեկ հայտարարել է, որ չի ակնկալում բեկում ամերիկա-ռուսական անվտանգության բանակցություններում, սակայն հույս ունի՝ կարող են լինել ոլորտներ, որտեղ կողմերը կարող են համաձայնության գալ։ Բլինքենի խոսքով՝ ցանկացած առաջընթաց կախված կլինի բանակցություններում երկու կողմերի գործողություններից։
Աղբյուր՝ azatutyun.am
Կարդացեք նաև
21 դեկտեմբեր 2021, 16:52
Պետքարտուղարության խոսնակ Նեդ Փրայսը նախատել է Մոսկվային՝ Ուկրաինայի սահմանների մոտ ստեղծված իրավիճակի վերաբերյալ Արևմուտքի մտահոգություններն անտեսելու համար
11 օգոստոս 2021, 20:50
Ռուսաստանի ՊՆ ղեկավարն ամերիկացի գործընկերոջ հետ քննարկել է անվտանգությանն առնչվող հարցեր
21 հոկտեմբեր 2021, 20:20
ՀՀ ԱԳ նախարարը և ԱՄՆ պետքարտուղարի տեղակալը քննարկել են Հայաստան-ԱՄՆ ռազմավարական երկխոսության շրջանակներում ձեռնարկվելիք քայլերը
28 դեկտեմբեր 2021, 12:58
Անվտանգության երաշխիքների վերաբերյալ Ժնևում Ռուսաստանի և ԱՄՆ-ի միջև խորհրդակցություններ կանցկացվեն
19 նոյեմբեր 2021, 17:22
Ադրբեջանի ԱԳ նախարարը և ԱՄՆ պետքարտուղարի տեղակալը քննարկել են հայ-ադրբեջանական սահմանային իրավիճակը
22 հուլիս 2021, 17:45
Մեր երկիրը կարող է առաջարկել արդյունավետ լուծումներ ՀՀ-ին․ ՌԴ տնտեսական զարգացման նախարարի տեղակալ