Մարզում բուհի մասնաճյուղի շնորհիվ երիտասարդներն իրենց ապագան կապում են մարզի հետ. կփորձեմ ձեռնարկել բոլոր հնարավոր միջոցները՝ հարցին լուծում տալու համար. Տրդատ Սարգսյան
Հասարակություն
Քիչ առաջ համացանցում է հայտնվել ՀՊՏՀ Եղեգնաձորի մասնաճյուղի նախկին, ներկա և ապագա ուսանողներից մի նամակ, որում նրանք իրենց մտահոգությունն են հայտնում մասնաճյուղում 2022-2023թթ. ընդունելության դադարեցման փաստի առթիվ։ Նամակը հասցեագրված է առաջինը ՀՊՏՀ ռեկտոր Դիանա Գալոյանին, այնուհետև վարչապետին, կառավարության անդամներին և մի խումբ պատգամավորների։
Նրանք նշել են, որ հանրապետությունում դիմորդների թվաքանակի նվազման ֆոնին մասնաճյուղն այժմ ունի 250-ից ավելի ուսանող, ինչը բարձր ցուցանիշ է նման քիչ բնակչությամբ մարզի համար, իսկ բուհի շրջանավարտների ավելի քան 80%-ը տեղավորվում է աշխատանքի բանկային, ապահովագրական, զբոսաշրջային, պաշտպանական ոլորտներում, տեղական ինքնակառավարման և պետական կառավարման համակարգում, մասնավոր ձեռնարկություններում։
«Կրթությունը ՀՊՏՀ Եղեգնաձորի մասնաճյուղում հիմնավորապես փոխել է տեղի երիտասարդության կյանքը՝ հնարավորություն տալով մասնագիտական առաջխաղացման և կյանքի որակի բարելավման, ինչը անհնար կլիներ, եթե չլիներ ուսումնառությունը մեր բուհում։ Մեր շրջանավարտներից շատերը մարզում կարևոր ոլորտներում պատասխանատու պաշտոնյաներ են ու կարևոր դերակատարներ։ ՀՊՏՀ Եղեգնաձորի մասնաճյուղը նպաստել է նաև մարզում երիտասարդական-հասարակական կյանքի ակտիվացմանը։ Տասնյակ ուսանողներ տարբեր ֆոնդերի կրթաթոշակառուներ են, ակտիվ հասարակական գործիչներ, տարբեր ծրագրերի շահառուներ ու մրցանակակիրներ։ Այդ ամենի համատեքստում զարմանալի է Ձեր որոշումը, որը չի անցել պատշաճ հանրային քննարկումների փուլ և չունի համոզիչ հիմնավորումներ։ Փակելով մարզում գտնվող միակ բուհը՝ դրանով կնպաստեք դեպի մայրաքաղաք միգրացիային՝ այն դեպքում, երբ առանց այդ էլ մայրաքաղաքը գերբնակեցված է, իսկ մարզերից արտագաղթը վտանգավոր չափերի է հասել։ Մարզի բնակչության, բուհի ողջ ուսանողության և շրջանավարտների պահանջն է՝ վերականգնել ընդունելությունը ՀՊՏՀ Եղեգնաձորի մասնաճյուղում և ծավալել մասնաճյուղի կարգավիճակի կամ ձեր կողմից նման որոշման հիմնավորումների ընդլայնված հանրային քննարկում։ Համոզված ենք, որ դեռևս ուշ չէ»,- նշված է նամակում։
Այս առնչությամբ մենք մեկնաբանություն խնդրեցինք «Քաղաքացիական պայմանագիր» խմբակցության պատգամավոր, Վայոց ձորի նախկին մարզպետ Տրդատ Սարգսյանից, որն ասաց, որ ինքը նույնպես դեմ է այդ որոշմանը, և չի կարելի նման բան թույլ տալ։
«Մարզում բուհը պետք է դիտարկել ոչ թե բիզնես տեսանկյունից, այլ պետականության ու դեմոգրաֆիայի տեսանկյունից։ Մարզում բուհի մասնաճյուղի շնորհիվ երիտասարդները մնում և սովորում են մարզում, իրենց ապագան կապում են մարզի հետ, ոչ թե լքում մարզը ու տեղափոխվում մայրաքաղաք։ Ես կփորձեմ ձեռնարկել բոլոր հնարավոր միջոցները՝ այս հարցին լուծում տալու համար»,- ասաց Տրդատ Սարգսյանը։
Նրանք նշել են, որ հանրապետությունում դիմորդների թվաքանակի նվազման ֆոնին մասնաճյուղն այժմ ունի 250-ից ավելի ուսանող, ինչը բարձր ցուցանիշ է նման քիչ բնակչությամբ մարզի համար, իսկ բուհի շրջանավարտների ավելի քան 80%-ը տեղավորվում է աշխատանքի բանկային, ապահովագրական, զբոսաշրջային, պաշտպանական ոլորտներում, տեղական ինքնակառավարման և պետական կառավարման համակարգում, մասնավոր ձեռնարկություններում։
«Կրթությունը ՀՊՏՀ Եղեգնաձորի մասնաճյուղում հիմնավորապես փոխել է տեղի երիտասարդության կյանքը՝ հնարավորություն տալով մասնագիտական առաջխաղացման և կյանքի որակի բարելավման, ինչը անհնար կլիներ, եթե չլիներ ուսումնառությունը մեր բուհում։ Մեր շրջանավարտներից շատերը մարզում կարևոր ոլորտներում պատասխանատու պաշտոնյաներ են ու կարևոր դերակատարներ։ ՀՊՏՀ Եղեգնաձորի մասնաճյուղը նպաստել է նաև մարզում երիտասարդական-հասարակական կյանքի ակտիվացմանը։ Տասնյակ ուսանողներ տարբեր ֆոնդերի կրթաթոշակառուներ են, ակտիվ հասարակական գործիչներ, տարբեր ծրագրերի շահառուներ ու մրցանակակիրներ։ Այդ ամենի համատեքստում զարմանալի է Ձեր որոշումը, որը չի անցել պատշաճ հանրային քննարկումների փուլ և չունի համոզիչ հիմնավորումներ։ Փակելով մարզում գտնվող միակ բուհը՝ դրանով կնպաստեք դեպի մայրաքաղաք միգրացիային՝ այն դեպքում, երբ առանց այդ էլ մայրաքաղաքը գերբնակեցված է, իսկ մարզերից արտագաղթը վտանգավոր չափերի է հասել։ Մարզի բնակչության, բուհի ողջ ուսանողության և շրջանավարտների պահանջն է՝ վերականգնել ընդունելությունը ՀՊՏՀ Եղեգնաձորի մասնաճյուղում և ծավալել մասնաճյուղի կարգավիճակի կամ ձեր կողմից նման որոշման հիմնավորումների ընդլայնված հանրային քննարկում։ Համոզված ենք, որ դեռևս ուշ չէ»,- նշված է նամակում։
Այս առնչությամբ մենք մեկնաբանություն խնդրեցինք «Քաղաքացիական պայմանագիր» խմբակցության պատգամավոր, Վայոց ձորի նախկին մարզպետ Տրդատ Սարգսյանից, որն ասաց, որ ինքը նույնպես դեմ է այդ որոշմանը, և չի կարելի նման բան թույլ տալ։
«Մարզում բուհը պետք է դիտարկել ոչ թե բիզնես տեսանկյունից, այլ պետականության ու դեմոգրաֆիայի տեսանկյունից։ Մարզում բուհի մասնաճյուղի շնորհիվ երիտասարդները մնում և սովորում են մարզում, իրենց ապագան կապում են մարզի հետ, ոչ թե լքում մարզը ու տեղափոխվում մայրաքաղաք։ Ես կփորձեմ ձեռնարկել բոլոր հնարավոր միջոցները՝ այս հարցին լուծում տալու համար»,- ասաց Տրդատ Սարգսյանը։