«Թուրքիան գնաց այլ ուղղությամբ». Ինչ նախապայման է ԱՄՆ-ն դրել Թուրքիայի առաջ և ինչու

ԱՄՆ-ը պատրաստ է Թուրքիային վերադարձնել ամերիկյան հինգերորդ սերնդի F-35 կործանիչների արտադրության ծրագրին, եթե հաջողվի լուծել Անկարայի կողմից ձեռք բերված ռուսական С-400 զենիթահրթիռային համակարգերի (ԶՀՀ) ձեռք բերման հետ կապված խնդիրը։ Այս մասին CNN Türk-ին տված հարցազրույցում հայտարարել է ԱՄՆ պետքարտուղարի քաղաքական հարցերով տեղակալ Վիկտորյա Նուլանդը։

«Մենք բանակցությունների գործընթացում էինք Patriot ԶՀՀ-ի վաճառքի շուրջ, բայց մինչ դրանք ընթանում էին, Թուրքիան գնաց այլ ուղղությամբ։ Ուստի մենք այսօր մի քանի քննարկումներ ունեցանք։ Ակնհայտ է, որ եթե մենք կարողանանք լուծել С-400-ի հետ կապված հարցը, ինչը և մենք ուզում ենք, ԱՄՆ-ն ուրախ կլինի Թուրքիային կրկին ընդունելու F-35-ի ընտանիք: Բայց նախ պետք է լուծենք այս հարցը, և մենք պետք է լուծենք այն՝ միաժամանակ Թուրքիային ապահովելով հակաօդային պաշտպանության հզոր համակարգով»,- ասել է Նուլանդը։ 
 
Հիշեցնենք, որ Թուրքիան դուրս է մղվել F-35-ի ստեղծման ծրագրից 2019 թվականին՝ այն բանից հետո, երբ ձեռք բերեց ռուսական С-400-ներ։