Դուբայում այնքան շատ ռեստորաններ կան, որ դուք կարող եք ամեն օր նորը այցելել, իսկ բոլորը այցելելու համար ձեզնից կպահանջվի  գրեթե 50 տարի։ Խոհանոցների և համերի մեծ ընտրանու մեջ զարմանալի է, որ քաղաքում դեռ կա ինչ-որ մեկը, որը տանն է ուտում։ Այնուամենայնիվ կան մարդիկ, որոնք նախընտրում են հենց այդպես էլ անել, բայց ոչ իրենց սեփական տանը: Այստեղ կան «supper clubs»-ներ, որտեղ այցելուները վճարում են 80 դոլար, որպեսզի իրենց համար ճաշ պատրաստեն։ Ճաշացանկերը կազմվում և պատրաստվում են սիրողական խոհարարների կողմից։ Խորհուրդ է տրվում այցելել միայնակ կամ երկուսով, իսկ խմիչքները կարող են բերել հենց այցելուները։

Այս երևույթը նոր և բացառիկ չէ Դուբայի համար, բայց վերջին մեկ տարվա ընթացքում այն նոր թափ է հավաքել։

«Ես ուզում էի մարդկանց հավաքել մեկ հարկի տակ, մեկ սեղանի շուրջ, ստիպել նրանց խոսել առանց սահմանափակումների և պարզապես վայելել համեղ կերակուրն ու զրույցը», - ասում է պաղեստինցի խոհարար Ահմադ Հալավան, որը 2019-ին հիմնել է իր տուն-ռեստորանը և  հանգստյան օրերին ընթրիքներ է կազմակերպում։

«Սկզբում գալիս էին պարզապես ընկերներ ու հարազատներ, բայց երբ համեղ ուտեստների մասին լուրերը տարածվեցին՝ իմ տուն սկսեցին գալ բոլորովին անծանոթ մարդիկ»։

Մարդիկ հիմնականում տեղ են ամրագրում մի քանի օր առաջ: Սեփականատերը 2021-ին թողեց իր աշխատանքը և այժմ շաբաթական 2 անգամ հյուրընկալում է մինչև 30 հյուրերի, ոչ միայն տանը, այլև բակում ՝ զարդարված էլեգանտ բանկետների սեղանով և ծաղկային կոմպոզիցիաներով։

Թեև համեղ սնունդը ցանկացած ընթրիքի բանալին է, Հալավան կասկածում է, որ ընթրիքի այս տեսակը գրավում է շատերին, քանի որ Դուբայում բնակչության մոտ 90%-ը օտարերկրացիներ են:

«Մարդկանց մեծ մասը հեռու է տնից, իր ընտանիքից, ուստի ես ուզում էի ստեղծել նման միջավայր, որովհետև Դուբայում ինչ-որ չափով աղավաղված է»,- ասում է նա՝ հավելելով, որ իր մոտ ընթրիքը մատուցվում է ընտանեկան ձևով՝ ընդհանուր սեղանի շուրջ, այլ ոչ թե մեկ անձի համար, ինչպես ռեստորանում: