Հայաստանն առաջարկել է Թուրքիային բացել ցամաքային սահմանը դիվանագիտական անձնագրեր ունեցողների համար․ Հունանյան
Պաշտոնական
Հայաստանը Թուրքիային առաջարկել է բացել ցամաքային սահմանը դիվանագիտական անձնագրեր կրող անձանց համար, սակայն թուրքական կողմը հապաղում է: Այս մասին «Արմենպրեսին» ասել է Հայաստանի արտգործնախարարության խոսնակը։
Վահան Հունանյանը նաև հաստատել է, որ Հայաստանի և Թուրքիայի հատուկ ներկայացուցիչների հաջորդ հանդիպումը կարող է տեղի ունենալ Վիեննայում։ «Հանդիպման ժամկետի և վայրի վերջնական հաստատման պես հանրությունը պատշաճ կերպով կտեղեկացվի», - ասել է ԱԳՆ խոսնակը։
Երեկ Թուրքիայի արտգործնախարարը NTV հեռուստաալիքի ուղիղ եթերում ասել էր, որ Հայաստանի և Թուրքիայի հատուկ բանագնացների երրորդ հանդիպումը կկայանա Վիեննայում՝ չհստակեցնելով հանդիպման ամսաթիվը։
Մևլյութ Չավուշօղլուն կոչ էր արել Հայաստանին ավելի համարձակ լինել և երրորդ երկրներում հանդիպումները տեղափոխել Անկարա ու Երևան:
«Մի կողմից ասում եք թող հարաբերությունները կարգավորվեն ու սահմանները բացվեն, մյուս կողմից Թուրքիայում և Երևանում դեռ չեք համարձակվում հանդիպել: Եթե չեք համաձայնում նույնիսկ սեփական երկրներում հանդիպելու, մյուս հարցերում ինչպե՞ս եք քայլեր անելու», - նշել է Թուրքիայի արտգործնախարարը՝ ասելով, որ նույնիսկ պատրաստակամ են եղել առաջինը իրենք գալու Երևան:
Արձագանքելով՝ Հունանյանն ընդգծել է՝ կարգավորման նախորդ փորձերի ժամանակ հանդիպումներ Հայաստանում և Թուրքիայում եղել են՝ թե՛ բանակցողների, թե՛ նույնիսկ նախագահների մակարդակով, բայց, դրանք արդյունքի չեն հանգեցրել:
«Նկատի ունեմ՝ կարևորը կարգավորման հասնելու քաղաքական կամքն է և հստակ՝ առարկայական քայլերի գնալու պատրաստակամությունը: Մենք ցուցաբերում ենք երկուսն էլ, և նույնն ակնկալում ենք Թուրքիայից: Եթե կամքը լինի, հանդիպումների վայրը կդառնա զուտ տեխնիկական հարց։ Ավելին, հատուկ ներկայացուցիչների՝ Հայաստանում և Թուրքիայում հանդիպումներ ունենալու առաջարկը վկայում է, որ Թուրքիայի ընկալմամբ՝ գործընթացն ամբողջությամբ երկկողմ բնույթ ունի։ Այս պարագայում տրամաբանական կլիներ, որ Թուրքիայի ներկայացուցիչներից չլսեինք գրեթե ամենշաբաթյա հայտարարություններ այն մասին, թե իրենք գործընթացն առաջ են մղում Ադրբեջանի հետ համակարգմամբ», - ասել է Հունանյանը։
Վահան Հունանյանը նաև հաստատել է, որ Հայաստանի և Թուրքիայի հատուկ ներկայացուցիչների հաջորդ հանդիպումը կարող է տեղի ունենալ Վիեննայում։ «Հանդիպման ժամկետի և վայրի վերջնական հաստատման պես հանրությունը պատշաճ կերպով կտեղեկացվի», - ասել է ԱԳՆ խոսնակը։
Երեկ Թուրքիայի արտգործնախարարը NTV հեռուստաալիքի ուղիղ եթերում ասել էր, որ Հայաստանի և Թուրքիայի հատուկ բանագնացների երրորդ հանդիպումը կկայանա Վիեննայում՝ չհստակեցնելով հանդիպման ամսաթիվը։
Մևլյութ Չավուշօղլուն կոչ էր արել Հայաստանին ավելի համարձակ լինել և երրորդ երկրներում հանդիպումները տեղափոխել Անկարա ու Երևան:
«Մի կողմից ասում եք թող հարաբերությունները կարգավորվեն ու սահմանները բացվեն, մյուս կողմից Թուրքիայում և Երևանում դեռ չեք համարձակվում հանդիպել: Եթե չեք համաձայնում նույնիսկ սեփական երկրներում հանդիպելու, մյուս հարցերում ինչպե՞ս եք քայլեր անելու», - նշել է Թուրքիայի արտգործնախարարը՝ ասելով, որ նույնիսկ պատրաստակամ են եղել առաջինը իրենք գալու Երևան:
Արձագանքելով՝ Հունանյանն ընդգծել է՝ կարգավորման նախորդ փորձերի ժամանակ հանդիպումներ Հայաստանում և Թուրքիայում եղել են՝ թե՛ բանակցողների, թե՛ նույնիսկ նախագահների մակարդակով, բայց, դրանք արդյունքի չեն հանգեցրել:
«Նկատի ունեմ՝ կարևորը կարգավորման հասնելու քաղաքական կամքն է և հստակ՝ առարկայական քայլերի գնալու պատրաստակամությունը: Մենք ցուցաբերում ենք երկուսն էլ, և նույնն ակնկալում ենք Թուրքիայից: Եթե կամքը լինի, հանդիպումների վայրը կդառնա զուտ տեխնիկական հարց։ Ավելին, հատուկ ներկայացուցիչների՝ Հայաստանում և Թուրքիայում հանդիպումներ ունենալու առաջարկը վկայում է, որ Թուրքիայի ընկալմամբ՝ գործընթացն ամբողջությամբ երկկողմ բնույթ ունի։ Այս պարագայում տրամաբանական կլիներ, որ Թուրքիայի ներկայացուցիչներից չլսեինք գրեթե ամենշաբաթյա հայտարարություններ այն մասին, թե իրենք գործընթացն առաջ են մղում Ադրբեջանի հետ համակարգմամբ», - ասել է Հունանյանը։
Կարդացեք նաև
14 ապրիլ 2022, 14:37
Ռուբինյանի և Քըլըչի երրորդ հանդիպումը կկայանա Վիեննայում․ Չավուշօղլու
20 դեկտեմբեր 2021, 21:37
ՀՀ-ի ու Թուրքիայի հատուկ ներկայացուցիչների հանդիպման ժամկետների պայմանավորվածության դեպքում պատշաճ կերպով կտեղեկացվի. Վահան Հունանյան
20 դեկտեմբեր 2021, 17:08
ԱԳՆ-ն՝ Հայաստանի և Թուրքիայի հատուկ ներկայացուցիչների հանդիպման վերաբերյալ
14 ապրիլ 2022, 17:22
Թուրքիան առաջարկել է հատուկ ներկայացուցիչների հանդիպումը Երեւանում կազմակերպել, ինչին Երեւանը չի համաձայնել
27 դեկտեմբեր 2021, 13:33
ՀՀ ԱԳՆ-ն հաստատում է. Թուրքիայի և Հայաստանի բանագնացները կարող են հանդիպել Մոսկվայում, ժամկետներ չեն նշվում
27 դեկտեմբեր 2021, 13:32
Չավուշօղլու. «Հայաստանի ու Թուրքիայի հատուկ բանագնացների հանդիպումը տեղի կունենա Մոսկվայում»