Հանուն Հանրապետության կուսակցությունը, չնայած արձանագրված խախտումներին, ՏԻՄ ընտրությունները համարում է օրինակարգ և ժողովրդավար
Քաղաքականություն
Հանուն Հանրապետության կուսակցության քաղաքական խորհուրդը հայտարարություն է տարածել, որում ասվում է.
Հանուն Հանրապետության կուսակցությունը վերլուծելով սույն թվականի հոկտեմբերի 17-ին կայացած տեղական ընտրությունները Գյումրի, Գորիս, Մեղրի, Տեղ, Տաթև և Դիլիջան խոշորացված համայնքներում, չնայած արձանագրված խախտումներին, դրանք համարում է օրինակարգ և ժողովրդավար։
Շնորհավորում ենք համամասնական ընտրակարգով տեղական ընտրություններին մասնակցած գործընկեր քաղական ուժերին։
Հաղթած բոլոր ուժերին մաղթում ենք արգասաբեր գործունեություն ի շահ իրենց համայնքների և երկրի։
Հույս ունենք, որ տեղական ընտրությունները կդառնան մեր հասարակությանը միավորելու, քաղաքական մթնոլորտը ներդաշնակեցնելու եզակի հնարավորություն։
Միաժամանակ իրավապահներին կոչ ենք անում հետամուտ լինել և բացահայտել ընտրությունների օրինականությունը հարվածի տակ դնող բոլոր ընտրական հանցագործությունները։
Հայաստանի առաջընթացի, անվտանգության և տեղական մարմինների պատշաճ և պրոֆեսիոնալ աշխատանքի կազմակերպման համար պատրաստ ենք բերել մեր անմնացորդ աջակցությունն ու օգտակարությունը։
Հանուն Հանրապետության կուսակցության քաղաքական խորհուրդ
Կարդացեք նաև
21 հունիս 2021, 17:01
«Լուսավոր Հայաստան» կուսակցության հայտարարությունը խորհրդարանական ընտրությունների վերաբերյալ
18 մարտ 2021, 17:15
«Հանուն Հանրապետության» կուսակցությունը ողջունում է համաձայնությունը 2021-ի հունիսի 20-ին արտահերթ ընտրություններ անցկացնելու վերաբերյալ
10 սեպտեմբեր 2021, 19:02
Հայաստանի 9 համայնքներում տեղի են ունենալու ավագանու ընտրություններ
1 մայիս 2021, 12:46
«Հայրենիք» կուսակցությունը ՀՀԿ-ի հետ դաշինք կազմելու գործընթաց է սկսել՝ ԱԺ արտահերթ ընտրություններին մասնակցելու համար
21 հունիս 2021, 14:10
Ցանկանում ենք, որ խորհրդարան անցած բոլոր ուժերը աշխատեն ի շահ մեր երկրի և պետականության․ «Հանրապետություն» կուսակցություն
8 հուլիս 2021, 22:44
Վաղը ՍԴ-ի դիմաց հավաքվում ենք՝ ի պաշտպանություն ժողովրդավարության․ Արման Բաբաջանյան