Չի բացառվում, որ ինչ-որ մարդիկ նրան վճարում են այդ կեղծիքը տարածելու համար․ Միքայել Թումասյան
Քաղաքականություն
Դավթաշենի թաղապետ Միքայել Թումասյանը ֆեյսբուքյան իր էջում գրառում է կատարել, որը ներկայացնում ենք ստորև․
«Արիանա Հովսեփյան անունով օգտատիրոջ կողմից այսօր իրականացված լայվի միջոցով մի շարք ստահոդ ու վիրավորական տեղեկություններ են տարածվել, կապված իմ անձի և Դավթաշեն վարչական շրջանում իրականացվող ասֆալտապատման աշխատանքների հետ։ Նախ օգտատերը կեղծ տեղեկություն է տարածում, որ Եղվարդի խճուղով, Արմենիա հեռուստաընկերության մոտով անցնող խողովաշարը կառուցելու համար տարածքում կառուցվող շենքերի սեփականատերը, իբր, պայմանավորվածություն ունի ինձ հետ, շահագրգռել է ինձ գումարով, որպեսզի ձայն չհանեմ կատարվող աշխատանքների թերությունների համար։
«Արիանա Հովսեփյան անունով օգտատիրոջ կողմից այսօր իրականացված լայվի միջոցով մի շարք ստահոդ ու վիրավորական տեղեկություններ են տարածվել, կապված իմ անձի և Դավթաշեն վարչական շրջանում իրականացվող ասֆալտապատման աշխատանքների հետ։ Նախ օգտատերը կեղծ տեղեկություն է տարածում, որ Եղվարդի խճուղով, Արմենիա հեռուստաընկերության մոտով անցնող խողովաշարը կառուցելու համար տարածքում կառուցվող շենքերի սեփականատերը, իբր, պայմանավորվածություն ունի ինձ հետ, շահագրգռել է ինձ գումարով, որպեսզի ձայն չհանեմ կատարվող աշխատանքների թերությունների համար։
Իրականում խողովակաշարը պետական ծրագրով անցկացվում է Ծիծեռնակաբերդի հուշահամալիրի տարածքի ոռոգումը պատշաճ իրականացնելու համար։ Այնուհանդերձ, կապալառու կազմակերպությունը արդեն իսկ ենթարկվել է վարչական պատասխանատվության՝ աշխատանքներում թերացումների համար։
Հաջորդը, օգտատերը մատնանշում է, իմ սեփական առանձնատունը և հայտնում է, որ ես իմ տան դիմացի փողոցի հատվածը ասֆալտապատել եմ, բայց մյուս հատվածը ոչ։ Իրականում փողոցի այդ հատվածի ասֆալտապատումը իրականացվել է 2016թ. , երբ արդեն իսկ կառուցել էի իմ առանձնատունը։
Ինչ վերաբերվում է փողոցի մյուս հատվածի անբարեկարգ վիճակին, նախ նշեմ, որ այդ փողոցը այս տարվա ասֆալտապատման ծրագրով արդեն իսկ նախատեսված է ասֆալտապատել։ Նշեմ նաև, որ այդ փողոցը տանում է նորակառույց թաղամաս, որտեղ դեռևս վերջնական չեն ավարտվել շինարարական աշխատանքները, պարբերաբար անցնում է ծանր տեխնիկա, չկա անցկացված կոյուղագիծ և անձրևատար ջրագիծ։
Կարող եմ ենթադրել, որ այս զրպարտչական կեղծ տեղեկությունները տարածելը սույն օգտատիրոջ նախաձեռնությունը չէ։ Չի բացառվում, որ ինչ-որ մարդիկ նրան վճարում են այդ կեղծիքը տարածելու համար։ Ուրեմն, ստիպված կլինեն բազմակի անգամ թանկ վճարել։
Տեղեկացնեմ, որ անձի արժանապատվությունը վիրավորելու և զրպարտություն տարածելու համար այս օգտատիրոջը իրավական պատասխանատվության ենթարկելու ուղղությամբ քայլեր են ձեռնարկվում»։
Կարդացեք նաև
20 փետրվար 2021, 10:40
«Արա Սաղաթելյանը, Կարեն Բեքարյանը և Մհեր Ավագյանը ձերբակալվել են». պաշտպան
16 փետրվար 2021, 17:49
Արցախում փորձնական ծրագրով կառուցվող փայտե առանձնատներից մեկը շուտով պատրաստ կլինի
18 փետրվար 2021, 21:28
Թուրքիայում հայ իրավապաշտպանի դեմ հետաքննություն է սկսվել Էրդողանին վիրավորելու համար
21 փետրվար 2021, 20:56
Դատարանը ոչ իրավաչափ ճանաչեց Մհեր Ավագյանի ձերբակալությունը․
15 փետրվար 2021, 12:12
Բնապահպանության և ընդերքի տեսչական մարմնի կողմից իրականացված ստուգումների արդյունքում հաշվարկվել է շրջակա միջավայրին հասցված 10.938.600 ՀՀ դրամի վնաս
12 փետրվար 2021, 12:23
Արմեն Դարբինյանը Մոսկվայում է․ նա աջակցությո՞ւն է փնտրում ռեկտորի պաշտոնում մնալու համար