Արմավիր համայնքում այսօր բացվել է Քաղաքացիների սպասարկման գրասենյակ
Հայաստան
Արմավիր համայնքում այսօր բացվել է Քաղաքացիների սպասարկման գրասենյակ. տեղեկացնում են ՏԿԵ նախարարությունից:
Այն հիմնվել է Գերմանիայի միջազգային համագործակցության ընկերության (ԳՄՀԸ/GIZ) կողմից իրականացվող «Լավ տեղական ինքնակառավարում Հարավային Կովկասում» ծրագրի շրջանակում՝ Գերմանիայի տնտեսական համագործակցության և զարգացման դաշնային նախարարության աջակցությամբ և Հայաստանում Շվեյցարիայի զարգացման և համագործակցության գործակալության (ՇԶՀԳ) համաֆինանսավորմամբ:
Ծրագիրն իրականացվում է ՀՀ տարածքային կառավարման և ենթակառուցվածքների նախարարության հետ համատեղ։
2015 թ. ի վեր ծրագրի շրջանակում հիմնվել է Քաղաքացիների սպասարկման 51 գրասենյակ Տաթև, Թումանյան, Աբովյան, Արտաշատ, Զառիթափ, Պեմզաշեն, Ուրցաձոր, Աշտարակ, Ալավերդի, Գորայք, Ամասիա, Արփի,Սարապատ, Աշոցք, Մեղրի, Վանաձոր, Նոյեմբերյան, Ապարան, Ստեփանավան, Կողբ, Ջրվեժ, Արենի, Օձուն, Տեղ,Բերդ, Արագածավան, Անի, Ախթալա, Գլաձոր, Քաջարան, Եղվարդ, Տաշիր, Վարդենիս, Ակունք, Բյուրեղավան,Ճամբարակ, Ալագյազ, Ծաղկահովիտ, Մեծավան, Սարչապետ, Շնող, Մարմաշեն, Շողակաթ, Այրում, Գյուլագարակ,Գեղամասար, Մեղրաձոր, Գավառ, Մխչյան, Սպիտակ և Արմավիր համայնքներում։
Քաղաքացիների սպասարկման գրասենյակը թույլ է տալիս «մեկ պատուհան» սկզբունքի համաձայն քաղաքացիներին մատուցել բարձրորակ ծառայություններ, բարձրացնել համայնքապետարանի աշխատանքի արդյունավետությունն ու թափանցիկությունը, դյուրացնել համայնքապետարաններում իրականացվող վարչական գործընթացները:
Համայնքապետարանում և ՔՍԳ-ում աշխատանքներն իրականացվում են Համայնքային կառավարման տեղեկատվական համակարգի (ՀԿՏՀ) կիրառմամբ, որն ապահովում է համայնքապետարանի աշխատանքների արդյունավետ կառավարումը, բնակիչներին մատուցում է վարչական ծառայություններ անմիջապես բնակավայրում և առցանց, թույլ է տալիս հետևել դիմումների և գրությունների ընթացքին:
Կարդացեք նաև
11 հոկտեմբեր 2021, 18:34
ՀՀ տարածքային կառավարման և ենթակառուցվածքների նախարարությունը Գերմանիայի միջազգային համագործակցության ընկերության հետ համատեղ կազմակերպել էր դասընթաց լրագրողների համար
9 հոկտեմբեր 2021, 11:54
«Սևանա լճի շրջակա միջավայրի պահպանություն» ծրագիրը՝ Գեղարքունիքի մարզում
30 հոկտեմբեր 2021, 18:11
Գնել Սանոսյանը ծանոթացել է Գառնի համայնքում սուբվենցիոն ծրագրով իրականացվող աշխատանքներին
20 ապրիլ 2021, 17:18
Եվս 25,415 մլն եվրո ֆինասավորում ` համայնքներում սոցիալական ներդրումների և տեղական զարգացման ծրագրի համար
24 փետրվար 2021, 15:22
Վերջին երկու ամսում համայնքներին հատկացվել է 296 միլիոն դրամի տեխնիկա
3 սեպտեմբեր 2021, 18:07
Ռոմանոս Պետրոսյանն ընդունել է Գերմանիայի միջազգային համագործակցության ընկերության Հայաստանի գրասենյակի տնօրենին