Հռոմի Ֆրանցիսկոս պապը մտահոգություն է հայտնել Լեռնային Ղարաբաղում տիրող հումանիտար իրավիճակի վերաբերյալ

Կիրակի օրը Հռոմի պապ Ֆրանցիսկոսը բոլոր կողմերին հրավիրել է գտնել «խաղաղ լուծումներ՝ հանուն ժողովրդի բարօրության»։
 
«Շուրջ 120 000 հայեր, այդ թվում՝ 30 000 երեխաներ, ապրում են անկլավում, և ենթադրյալ ճանապարհների փակումը նրանց մեկուսացրել է աշխարհից և զրկել սննդից, դեղորայքից և առաջին անհրաժեշտության պարագաներից»,- նշված է Վատիկանի տարածած հաղորդագրության մեջ:
 
Հռոմի պապն ասել է, որ «անհանգստացած է Հարավային Կովկասի Լաչինի միջանցքում ստեղծված իրավիճակով»։
 
«Ինձ անհանգստացնում են մարդկանց հումանիտար անկայուն պայմանները, որոնք ձմեռային սեզոնի ընթացքում հետագա վատթարացման վտանգի տակ են», - նշել է նա: