Կենսաթոշակները կբարձրանան 2022թ. սեպտեմբերի 1-ից՝ 2023թ. հունվարի 1-ի փոխարեն. 2023թ. հուլիսի 1-ի բարձրացման որոշումը մնում է ուժի մեջ. վարչապետ

«Մենք արդեն հայտարարել էինք, որ 2023 թվականին միջնաժամկետ ծախսերի ծրագրով ընդունել ենք, որ թոշակների բարձրացում էինք նախատեսում 2 որոշմամբ. մի անգամ կենսաթոշակը պետք է բարձրացվեր 2023թ. հունվարի 1-ից, 2-րդ անգամ՝ 2023թ. հուլիսի 1-ից: Եվ քանի որ մենք բավականին լավ տնտեսական ցուցանիշներ ունենք և պետական եկամուտները հարկային եկամուտների մասով գերակատարել ենք ավելի քան 70 մլրդ դրամով, որոշեցինք, որ կենսաթոշակների բարձրացումը, որ մենք պիտի կատարեինք 2023թ. հունվարի 1-ից, իրականացնենք 2022թ. սեպտեմբերի 1-ից»,- այսօր՝ օգոստոսի 24-ին, Կառավարության հերթական նիստում հայտարարեց վարչապետ Նիկոլ Փաշինյանը և հավելեց, որ բազային կենսաթոշակն ավելանում է շուրջ 17 տոկոսով, իսկ արդեն միջին կենսաթոշակը՝ 7 տոկոսով:

Նիկոլ Փաշինյանն ընդգծեց, որ 2023թ. հուլիսի 1-ին կենսաթոշակները բարձրացնելու որոշումը մնալու է ուժի մեջ. «Այսինքն՝ մի բան է փոխվել. հունվարի 1-ը առաջ ենք բերել սեպտեմբերի 1, իսկ հաջորդ բարձրացումը տեղի կունենա 2023թ. հուլիսի 1-ից»:

Մանրամասն՝ տեսանյութում: