Բայդենը երկարաձգել է Թուրքիայի դեմ 2019-ին սահմանված պատժամիջոցները

Աշխարհ

13:56, 08 октябрь 2021

ԱՄՆ նախագահ Ջո Բայդենը մեկ տարով երկարացրել է Թուրքիայի դեմ պատժամիջոցները, որոնք սահմանվել էին 2019-ին: Այս մասին գրում է Еrmenihaber-ը։

Բայդենի հայտարարության մեջ ասվում է, որ Թուրքիայի ռազմական գործողությունները Սիրիայի հյուսիս-արեւելքում խոչընդոտում են «Իսլամական պետություն» ԻՊ-ի ահաբեկչական կազմակերպության դեմ պայքարին, ինչպես նաև սպառնալիք են ստեղծում քաղաքացիական անձանց համար։ Նաև նշվում է, որ Թուրքիայի գործողությունները սպառնում են տարածաշրջանային անվտանգությանն ու խաղաղությանը:

Աղբյուրը հիշեցնում է, որ 2019թ. պատժամիջոցների համար պատճառ էին դարձել սիրիացի քրդերի դեմ Թուրքիայի ռազմական գործողությունները։

Պատժամիջոցների տակ էին ընկել Թուրքիայի պաշտպանության նախարար Հուլուսի Աքարը և ներքին գործերի նախարար Սուլեյման Սոյլուն: