Հարավային Օսիայում ցանկանում են երկու հանրաքվե անցկացնել․ Բիբիլով

Հարավային Օսիայի առաջնորդը հայտարարել է, որ Ռուսաստանին միանալու հարցով հանրաքվեից բացի ևս մեկ հանրաքվե կարող է անցկացվել՝ օսերի միավորման հարցով։

Անատոլի Բիբիլովն այլ մանրամասներ չի հայտնել, պաշտոնապես հայտնի չէ նաև, թե երբ է նախատեսված քվեարկությունը։ Ավելի վաղ հաղորդվում էր, որ այն կարող է տեղի ունենալ ապրիլի 10-ին նշանակված նախագահական ընտրություններից հետո։

Ռուսաստանը Հարավային Օսիայի անկախությունը ճանաչել է 2008 թվականի ռուս-վրացական կարճատև պատերազմից հետո, իսկ Հյուսիսային Օսիան ՌԴ մաս է կազմում՝ մտնելով Հյուսիսկովկասյան դաշնային շրջանի մեջ։

Աղբյուր՝ azatutyun.am