Քննարկվել են հայ-չինական համագործակցության ընդլայնման հնարավորությունները. հանդիպում էկոնոմիկայի նախարարությունում
Տնտեսություն
Էկոնոմիկայի նախարարությունից հայտնում են՝ նախարար Վահան Քերոբյանը նոյեմբերի 1-ին հանդիպել է Չինաստանի խոշորագույն տնտեսական կենտրոն համարվող Ցինդաոյի (Qingdao) քաղաքային ժողովրդական կոնգրեսի մշտական հանձնաժողովի նախագահ Վան Լյումինի գլխավորած պատվիրակության հետ։ Հանդիպմանը ներկա են եղել նաև նախարարի տեղակալ Նարեկ Տերյանը և ՀՀ ԷՆ Զբոսաշրջության կոմիտեի նախագահ Սիսիան Պօղոսեանը։
Հանդիպման ընթացքում կողմերը քննարկել են երկկողմ համագործակցության ընդլայնման հնարավորությունները, մասնավորապես՝ շինարարության, ադամանդագործության, տեխնոլոգիական տրանսֆերների, ՏՏ և այլ ուղղություններով։
Ներկայացնելով Հայաստանում ստեղծված բարենպաստ գործարար միջավայրը և իրականացվող ներդրումային խոշոր ծրագրերը, այդ թվում՝ արդյունաբերական պարկերի ստեղծման և Հայաստանում «չոր նավահանգստի» կառուցման նախագծերը, Վահան Քերոբյանն առաջարկել է չինական ընկերություններին դիտարկել այդ ծրագրերում ներգրավվելու հնարավորությունը։
Զրուցակիցներն անդրադարձել են նաև զբոսաշրջության ոլորտում հարաբերությունների խորացմանը, ինչպես նաև Հայաստանի և Չինաստանի միջև ուղիղ չվերթերի իրականացմանը։
Կարդացեք նաև
24 փետրվար 2021, 18:43
Էկոնոմիկայի նախարարն ընդունել է Շրի Լանկայի դեսպանին
9 փետրվար 2023, 20:16
Քննարկվել են ԵԱԶԲ-ի կողմից Հայաստանում իրականացվող խոշոր ներդրումային ծրագրերը
13 դեկտեմբեր 2021, 20:53
Հայաստանն ու Սերբիան դիտարկում են համատեղ ձեռնարկություններ հիմնելու հնարավորությունները
12 սեպտեմբեր 2023, 21:08
Վահան Քերոբյանը Աբդուլ Լատիֆ Ռաշիդի հետ քննարկել է հայ-իրաքյան համագործակցության հեռանկարները
9 սեպտեմբեր 2022, 14:48
Հայաստանը ձգտում է դառնալ ոչ միայն տեխնոլոգիա օգտագործող, այլև ստեղծող երկիր. Վահան Քերոբյան
19 հոկտեմբեր 2023, 12:11
Չինական կողմը հետաքրքրվածություն է հայտնել Հայաստանում ցեմենտի գործարանի բացման և տրակտորների արտադրություն հիմնելու հարցում