Համբարձում Մաթևոսյանն ու Հայաստանում Շվեդիայի դեսպանը շեշտել են Ադրբեջանում պահվող հայ ռազմագերիների և քաղաքացիական պատանդների անհապաղ հայրենադարձումը
Քաղաքականություն
Փոխվարչապետ Համբարձում Մաթևոսյանն այսօր ընդունել է Հայաստանում Շվեդիայի Թագավորության արտակարգ և լիազոր դեսպան Պատրիկ Սվենսոնին։
Այս մասին հայտնում են կառավարության մամուլի ծառայությունից:
Փոխվարչապետը ողջունել է հայ-շվեդական երկկողմ հարաբերություններում առկա դրական դինամիկան և բարձր գնահատել Շվեդիայի կառավարության՝ Հայաստանի բարեփոխումների օրակարգին նպաստելու շահագրգռվածությունն ու 44-օրյա պատերազմի ընթացքում ցուցաբերած աջակցությունը։
Դեսպան Սվենսոնը կարևորել է Հայաստանի հետ գործընկերությունն ու Շվեդիայի կառավարության պատրաստակամությունն է հայտնել՝ նպաստելու Հայաստանում ժողովրդավարության, օրենքի գերակայության և մարդու իրավունքների պաշտպանության զարգացմանը։
Հանդիպման ընթացքում կողմերը շեշտել են Ադրբեջանում պահվող հայ ռազմագերիների և քաղաքացիական պատանդների անհապաղ հայրենադարձումը ու համակարծիք եղել, որ Լեռնային Ղարաբաղի հակամարտության համապարփակ կարգավորման շուրջ բանակցությունների վերսկսումը պետք է իրականացվի ԵԱՀԿ Մինսկի խմբի համանախագահության մանդատի ներքո։
Զրույցի ժամանակ անդրադարձ է կատարվել 44-օրյա պատերազմի հետևանքով առաջացած հումանիտար խնդիրներին, Հայաստան-Թուրքիա կարգավորման գործընթացներին, տարածաշրջանում տևական խաղաղության և կայունության ամրապնդմանն ուղղված ջանքերին։
Հայ-շվեդական համագործակցության օրակարգային հարցերը քննարկելիս՝ փոխվարչապետ Համբարձում Մաթևոսյանը կարևորել է շվեդական ընկերությունների ներկայությունը հայաստանյան տնտեսությունում, մասնավորապես՝ ճանապարհային ենթակառուցվածքների կառուցման գործընթացներում, ինչպես նաև փոխգործակցության ակտիվացումը՝ դատական համակարգի բարեփոխումների, կոռուպցիայի դեմ պայքարի և մարդու իրավունքների պաշտպանության ուղղություններով։
Կարդացեք նաև
8 հոկտեմբեր 2021, 13:57
Միրզոյանն առանձնահատուկ շեշտել է հայ ռազմագերիների վերադարձման հարցը
22 հոկտեմբեր 2021, 19:13
Հայաստանն ու Շվեդիան կհամագործակցեն ՀՀ արդարադատության նախարարության բարեփոխումների օրակարգի շուրջ
14 հոկտեմբեր 2021, 16:31
ԱԺ նախագահ Ալեն Սիմոնյանն ընդունել է ՀՀ-ում Շվեդիայի դեսպանին
15 փետրվար 2021, 17:39
Շվեդական ընկերությունները ցանկություն են հայտնել մասնակցել Հայաստանում տնտեսության թվայնացման, աղբի վերամշակման, ինչպես նաև օդանավակայանների գործարկման գործընթացներին
15 փետրվար 2021, 19:44
Վահան Քերոբյանը կարևորել է շվեդական IKEA և H&M ընկերությունների մուտքը հայկական շուկա
10 փետրվար 2021, 16:04
Ավինյանն ու Շվեդիայի դեսպանը խոսել են արցախյան հիմնախնդրի կարգավորման գործընթացի և հայ գերիների շուտափույթ վերադարձի անհրաժեշտության մասին