Հայաստանն ու Ադրբեջանը խաղաղության պայմանագրի մի կետի շուրջ եկել են համաձայնության.ԱԽ քարտուղար

Հայաստանն ու Ադրբեջանը խաղաղության պայմանագրի մի կետի շուրջ եկել են համաձայնության՝ դա դիվանագիտական հարաբերությունները Վիեննայի կոնվենցիայի շրջանակներում հաստատելն է: Այսօր ԱԺ արտահերթ նիստի ժամանակ հայտարարել է ՀՀ ԱԽ քարտուղար Արմեն Գրիգորյանը։

«Ուրիշ ոչ մի կետի շուրջ դեռ ոչ մի հստակ համաձայնություն չկա»,-ասաց Գրիգորյանը՝ արձագանքելով «Հայաստան» խմբակցության պատգամավոր Ագնեսա Խամոյանի հարցին՝թե խաղաղության պայմանագրի խմբագրվող տեքստում կա՞ կետ, որի շուրջ լինի երկկողմ համաձայնություն:

Նա նաև հերքեց, թե խաղաղության պայմանագրի երրորդ փաստաթղթի շուրջ քննարկումներ են ընթանում, ամեն անգամ նույն փաստաթուղթն է խմբագրվում.

«Ճիշտ չի լինի յն անվանել 3-րդ տարբերակ, ճիշտ կլինի այն անվանել խմբագրված տարբերակ ամեն անգամ նույն փաստաթուղթն է խմբագրվել»,-ասաց Գրիգորյանը:

ԱԽ քարտուղարը նաև առանձնացրեց Հայաստանի և Ադրբեջանի միջև առկա 4 խնդիրները, որոնց շուրջ բանակցություններ են ընթանում՝ղարաբաղյան հիմնախնդիր, սահմանի սահմանազատման ու սահմանազատման, ապաշրջափակման ու հումանիտար հարցեր։