Թուրքական ընդդիմությունը որպես Էրդողանի մրցակից առաջադրել է Քըլըչդարօղլուի թեկնածությունը. թուրքական լրատվամիջոց

Թուրքիայի ընդդիմադիր «Ժողովրդական դաշինքը» մտադիր է մայիսի 14-ին կայանալիք համընդհանուր ընտրություններում որպես միասնական թեկնածու հայտարարել Ժողովրդահանրապետական կուսակցության առաջնորդ Քեմալ Քըլըչդարօղլուին։ Այդ մասին գրում է Hürriyet թերթը։

Միաժամանակ թերթը չի բացառում, որ ընտրողների մեծամասնությունը կարող է քվեարկել Թուրքիայի գործող նախագահ Ռեջեփ Թայիփ Էրդողանի օգտին։ Ընտրությունների ելքը կանխորոշված է, և որոշումը կկայացվի առաջին փուլից հետո։ Նման կանխատեսումները պայմանավորված են ընդդիմության շարքերում առկա հակասությամբ։

Մարտի 3-ին ընդդիմադիր «Լավ կուսակցության» առաջնորդ Մերալ Աքշեները հայտարարել է, որ դաշինքն այլևս չի արտացոլում ժողովրդի իրական շահերը։ Հակասությունը ծագել է այն պատճառով, որ հինգ կուսակցություններ ավելի վաղ առաջարկել էին Ժողովրդահանրապետական կուսակցության առաջնորդ Քեմալ Քըլըչդարօղլուի թեկնածությունը որպես նախագահի թեկնածու, իսկ «Լավ կուսակցությունը» որպես Ստամբուլի և Անկարայի քաղաքապետեր մտադիր էր քննարկել Էքրեմ Իմամօղլուի և Մանսուր Յավաշի թեկնածությունները։ 

Դրանից հետո Էրդողանն ասել է, որ իր ընդդիմախոսներն ավելի շատ անհանգստանում են իրենց սեփականության համար, ոչ թե ժողովրդի։