ՀՀ ՏԿԵ նախարարության հետ չի քննարկվել Ադրբեջանի տարածքով Հայաստան, այնուհետև Իրան էլեկտրաէներգիա մատակարարելու հարցը. ՏԿԵ նախարարի մամուլի քարտուղար
Քաղաքականություն / Տնտեսություն
ՌԴ էներգետիկայի նախարարությունը ՀՀ ՏԿԵ նախարարության հետ չի քննարկել Ադրբեջանի տարածքով Հայաստան, այստեղից էլ Իրան 300 ՄՎտ էլեկտրաէներգիա մատակարարելու հնարավորության հարցը։ Այս մասին ի պատասխան Civic.am-ի հարցի՝ ասաց ՏԿԵ մամուլի քարտուղար Սոնա Հարությունյանը։
Հիշեցնենք, որ Ռուսաստանի էներգետիկայի նախարար Նիկոլայ Շուլգինովը «Ռիա նովոստի»-ին տված հարցազրույցում ասել էր, որ ներկայումս դիտարկում են Ադրբեջանի տարածքով Հայաստան, այնտեղից Իրան, և հնարավոր է, նաև այլ երկրներ էլեկտրաէներգիա մատակարարելու հնարավորությունը։ Նշենք, որ Հայաստանի և Ադրբեջանի միջև էլեկտրահաղորդման գծեր՝ էներգետիկ ենթակառուցվածքներ չկան, հետևաբար ՌԴ պաշտոնյայի հայտարարությունը կարելի է ասել անիրատեսական է։
ՏԿԵ նախարարի մամուլի քարտուղարից հետաքրքրվեցինք նաև՝ ինչ փուլում է Հայաստան-Իրան բարձրավոլտ՝ երրորդ էլեկտրահաղորդման գծի կառուցման աշխատանքները, որին ի պատասխան Սոնա Հարությունյանն արձագանքեց. «Հայաստան-Իրան էլեկտրահաղորդման գծի աշխատանքները շինարարության փուլում են, նախատեսված էր մինչև տարեվերջ ավարտել, սակայն մի քիչ դանդաղ տեմպերով են ընթանում և հնարավոր է նախատեսված ժամանակահատվածից երկար տևի»։
Հիշեցնենք, որ Ռուսաստանի էներգետիկայի նախարար Նիկոլայ Շուլգինովը «Ռիա նովոստի»-ին տված հարցազրույցում ասել էր, որ ներկայումս դիտարկում են Ադրբեջանի տարածքով Հայաստան, այնտեղից Իրան, և հնարավոր է, նաև այլ երկրներ էլեկտրաէներգիա մատակարարելու հնարավորությունը։ Նշենք, որ Հայաստանի և Ադրբեջանի միջև էլեկտրահաղորդման գծեր՝ էներգետիկ ենթակառուցվածքներ չկան, հետևաբար ՌԴ պաշտոնյայի հայտարարությունը կարելի է ասել անիրատեսական է։
ՏԿԵ նախարարի մամուլի քարտուղարից հետաքրքրվեցինք նաև՝ ինչ փուլում է Հայաստան-Իրան բարձրավոլտ՝ երրորդ էլեկտրահաղորդման գծի կառուցման աշխատանքները, որին ի պատասխան Սոնա Հարությունյանն արձագանքեց. «Հայաստան-Իրան էլեկտրահաղորդման գծի աշխատանքները շինարարության փուլում են, նախատեսված էր մինչև տարեվերջ ավարտել, սակայն մի քիչ դանդաղ տեմպերով են ընթանում և հնարավոր է նախատեսված ժամանակահատվածից երկար տևի»։