Չենք մասնակցում ՀԱՊԿ հանդիպումներին, բայց չենք էլ արգելափակում որոշումները. Փաշինյան

«ՀԱՊԿ-ը, մեր գնահատմամբ, չի կատարել ՀՀ առջև իր պարտավորությունները։ Այդ քաղաքականության գործնական հետևանքն այն է, որ սառեցրել ենք մեր մասնակցությունը»,-նշել է Նիկոլ Փաշինյանը։

Վարչապետի խոսքով՝ ՀԱՊԿ-ում մշտական ներկայացուցիչ Հայաստանը չունի․ «Չենք մասնակցում ՀԱՊԿ բարձրագույն մակարդակի հանդիպումներին, բայց չենք էլ արգելափակում որոշումները»։

«Հավաքական անվտանգության պայմանագրի կազմակերպությունը (ՀԱՊԿ), մեր գնահատմամբ, չի կատարել Հայաստանի Հանրապետության առջև անվտանգության ապահովման իր պարտավորությունները, հատկապես՝ 2021-2022 թվականների ընթացքում։ ՀԱՊԿ-ի այս քաղաքականության գործնական արդյունքն այն է, որ մենք փաստացի սառեցրել ենք մեր մասնակցությունը կազմակերպությանը։ 2023 թվականի սեպտեմբերի դրությամբ մենք ՀԱՊԿ-ում մշտական ներկայացուցիչ չունենք և չենք մասնակցում ՀԱՊԿ բարձր մակարդակի բանակցություններին։ Այնուամենայնիվ, մենք չենք արգելափակում ՀԱՊԿ որոշումները, բայց նաև չենք մասնակցում դրանց: