Որպես ԱՄՆ Կոնգրեսի հայկական խմբի փոխնախագահ՝ հանգիստ չեմ լինի, մինչև տուն չվերադարձնեն բազմաթիվ գերիներին, փախստականները չվերադառնան իրենց տները․ Ադամ Շիֆ

Հազարավոր մարդիկ Հայաստանում և Արցախում հիմա ապրում են իրենց հարևանների կողմից վտանգավոր ու շարունակական սպառնալիքի պայմաններում։ Այս մասին Հայ Դատի հանձնախմբերի և գրասենյակների խորհրդաժողովի բացման ժամանակ ասաց ԱՄՆ կոնգրեսական Ադամ Շիֆը։

Վերջինս ընդգծեց՝ որպես կոնգրեսի հայկական խմբի փոխնախագահ հանգիստ չի լինի մինչև տուն չվերադարձնեն բազմաթիվ գերիներին, մինչև փախստականները չվերադառնան իրենց տները և տարածաշրջան չբերեն վերջնական արդար խաղաղություն։

Նրա խոսքով` չնայած այս տարի առաջընթաց է գրանցվել, քանի որ ԱՄՆ նախագահ Ջո Բայդենը կոտրել է ամոթալի լռության տասնամյակները՝ ճանաչելով Հայոց ցեղասպանությունը, սակայն դրանով իրենց`կոնգրեսականների աշխատանքը չի ավարտվում։

«Հայ Դատի Ամերիկայի հանձնախմբի հետ համագործակցությամբ շարունակելու ենք աջակցել և ուժեղացնել ժողովրդավարությունը Հայաստանում և Արցախում։ Ես միշտ կլինեմ Հայաստանի և Արցախի ժողովրդի կողքին»,-ասաց Ադամ Շիֆը։