ԵՄ-ն և Ճապոնիան դեմ են Ռուսաստան ապրանքների արտահանման ամբողջական արգելքի վերաբերյալ ԱՄՆ առաջարկին. FT

Միջազգային

10:49, 25 апрель 2023

Եվրամիությունն ու Ճապոնիան չեն պաշտպանել G7 երկրներին ուղղված ԱՄՆ առաջարկը՝ արգելել ապրանքների ամբողջական արտահանումը Ռուսաստան, գրում է Financial Times թերթը։

Ավելի վաղ Bloomberg գործակալությունը հայտնել էր, որ ԱՄՆ վարչակազմը մտադիր է G7-ի գագաթնաժողովին, որը տեղի կունենա մայիսի 19-21-ը Հիրոսիմայում, առաջարկ ներկայացնել գործնականում ցանկացած ապրանքի Ռուսաստան արտահանման վրա էմբարգո սահմանելու վերաբերյալ։ Ենթադրվում էր, որ բացառությունների ցանկում կընդգրկվեն միայն դեղամիջոցներն ու սննդամթերքը։

Գործող սահմանափակումների համաձայն՝ կարելի է արտահանել այն ամենը, ինչն արգելված չէ պատժամիջոցներով։ Ինչպես նշում է Bloomberg-ը, նոր մոտեցումը «կշրջեր գործող պատժամիջոցների ռեժիմը»։

Սակայն, ինչպես FT-ին հայտնել են աղբյուրները, G7-ի գագաթնաժողովի նախապատրաստական հանդիպմանը ԵՄ-ի և Ճապոնիայի ներկայացուցիչները նման միջոցն անհնար են անվանել։

Ռուսաստանի Դաշնության Անվտանգության խորհրդի փոխնախագահ Դմիտրի Մեդվեդևն ավելի վաղ սպառնացել էր, որ արտահանման ամբողջական արգելքը կհանգեցնի հացահատիկի գործարքից Ռուսաստանի դուրս գալուն: