Հրաչյա Սարգսյանը ներկայացրել է գործակարգավարական խորհրդակցության շրջանակներում քննարկված ամենակարևոր կետերը
Հասարակություն
Երևանի քաղաքապետ Հրաչյա Սարգսյանն իր ֆեյսբուքյան էջում գրել է․
Սիրելի երևանցիներ,
Երեկ Երևանի քաղաքապետարանում տեղի ունեցավ հերթական գործակարգավարական խորհրդակցությունը, որի շրջանակներում քննարկված ամենակարևոր կետերը ներկայացնում եմ ձեր ուշադրությանը.
Սիրելի երևանցիներ,
Երեկ Երևանի քաղաքապետարանում տեղի ունեցավ հերթական գործակարգավարական խորհրդակցությունը, որի շրջանակներում քննարկված ամենակարևոր կետերը ներկայացնում եմ ձեր ուշադրությանը.
- Մայրաքաղաքի վարչական շրջաններում շարունակվում է բազմահարկ բնակելի շենքերի աղբամուղերի փակման գործընթացը: Այս պահին 178 գործող աղբամուղ կա:
- «Շտապբուժօգնություն» ընկերությունում քաղաքացիների կանչերին արագ արձագանքելու նպատակով զանգերի կենտրոնում ներդրվում է հատուկ համակարգ, որը հետադարձ հեռախոսազանգի հնարավորություն կտա:
- «Երևանի ավտոբուս» ընկերությունում գրանցված վարորդները ևս առողջապահական ապահովագրության հնարավորություն կունենան: Մրցույթը արդեն կայացել է, և հաղթող կազմակերպության հետ կկնքվի պայմանագիր:
- Սուբսիդիոն պայմանագրերի համաձայն` մեկնարկել է Նուբարաշեն վարչական շրջանի չլուսավորվող փողոցների արտաքին լուսավորության ցանցի կառուցումը: Գործընթացն իրականացվում է նաև Արաբկիր և Շենգավիթ վարչական շրջաններում:
- Երևանի քաղաքապետարանի վարչական 2 շենքերի տանիքներին ևս կտեղադրվեն արևային կայաններ: ՄԱԿ-ի գրասենյակի հետ բանակցություններ են տարվում՝ այս ծրագիրը որպես էներգաարդյունավետության մասնիկ դիտարկելու և նախագիծը համաֆինանսավորելու նպատակով:
- Ապրիլի 1-ից գծանշումներ իրականացնելու, ինչպես նաև լուսացույցներ ու ճանապարհային նշաններ տեղադրելու գործառույթը կանցնի համայնքին:
- Համատիրություններում առկա կառավարման խնդիրներին հնարավորինս լուծումներ տալու նպատակով կներդրվի բազմաբնակարան բնակելի շենքերի կառավարման էլեկտրոնային համակարգ:
- Համայնքի միջոցներով իրականացվող ծրագրով նախորդ շաբաթ մայրաքաղաքում փոխարինվել է երկու հիդրանտ: Ընթացիկ տարում նախատեսվում է այդ թիվն ավելացնել 53-ով: