Քրեական ոստիկանության ծառայողները հայտնաբերեցին խուլիգանության մեղադրանքով հետախուզվողին

Ոստիկանության ՔՈԳՎ ծառայողները, ձեռնարկելով օպերատիվ-հետախուզական տարաբնույթ միջոցառումներ, հունվարի 27-ին Երևանի Ամիրյան փողոցում հայտնաբերել ու գլխավոր վարչություն բերման են ենթարկել մայրաքաղաքում հաշվառված 36-ամյա մի տղամարդու։ Նա անցած տարվա հուլիսից ոստիկանության Կենտրոնական բաժնի կողմից հետախուզվում էր զենքի կամ որպես զենք օգտագործվող առարկաների գործադրմամբ կատարված խուլիգանության մեղադրանքով։

Խափանման միջոցը՝ կալանք։

Նախաքննությունը շարունակվում է։