Թմրամիջոցներ իրացնելու և ծառայողական լիազորությունները չարաշահելու գործով մեղադրյալ 4 քննիչների ղեկավարները՝ Արաբկիրի քննչական բաժնի պետը և 2 տեղակալներն ազատվել են պաշտոններից
Իրավունք
ՀՀ քննչական կոմիտեի նախագահ Արգիշտի Քյարամյանի հրամաններով զբաղեցրած պաշտոններից նախօրեին ազատվել են ՀՀ քննչական կոմիտեի Երևան քաղաքի քննչական վարչության Արաբկիր վարչական շրջանի քննչական բաժնի պետ Գառնիկ Մաթևոսյանը և նույն ստորաբաժանման պետի տեղակալներ Արտակ Մկրտչյանը և Արմեն Մուրադյանը: Այս մասին տեղեկանում ենք ՀՀ Քննչական կոմիտեից։
ՔԿ նախագահի մեկ այլ հրամանով ՀՀ քննչական կոմիտեի Երևան քաղաքի քննչական վարչության պետի տեղակալ Նարեկ Շահինյանը գործուղվել է ՀՀ քննչական կոմիտեի Երևան քաղաքի քննչական վարչության Արաբկիր վարչական շրջանի քննչական բաժին՝ ստորաբաժանման աշխատանքները կազմակերպելու նպատակով:
Նշենք, որ Civic.am-ի տեղեկություններով՝ վերոնշյալ պաշտոնազրկումները կապ ունեն երեկ 4 քննիչների ձերբակալման հետ։ Վերջիններս նույն բաժնի քննիչներն են։ Նշենք, որ երեկ Երևանի Արաբկիր վարչական շրջանի քննչական բաժնի 4 քննիչ է ձերբակալվել, նախաձեռնվել է քրեական վարույթ թմրամիջոցներ ապօրինի իրացնելու և պաշտոնատար անձի ծառայողական լիազորությունները չարաշահելու, անցնելու հատկանիշներով:
Գործով նախաքննությունն իրականացնում է Ազգային անվտանգության ծառայությունը:
ՔԿ նախագահի մեկ այլ հրամանով ՀՀ քննչական կոմիտեի Երևան քաղաքի քննչական վարչության պետի տեղակալ Նարեկ Շահինյանը գործուղվել է ՀՀ քննչական կոմիտեի Երևան քաղաքի քննչական վարչության Արաբկիր վարչական շրջանի քննչական բաժին՝ ստորաբաժանման աշխատանքները կազմակերպելու նպատակով:
Նշենք, որ Civic.am-ի տեղեկություններով՝ վերոնշյալ պաշտոնազրկումները կապ ունեն երեկ 4 քննիչների ձերբակալման հետ։ Վերջիններս նույն բաժնի քննիչներն են։ Նշենք, որ երեկ Երևանի Արաբկիր վարչական շրջանի քննչական բաժնի 4 քննիչ է ձերբակալվել, նախաձեռնվել է քրեական վարույթ թմրամիջոցներ ապօրինի իրացնելու և պաշտոնատար անձի ծառայողական լիազորությունները չարաշահելու, անցնելու հատկանիշներով:
Գործով նախաքննությունն իրականացնում է Ազգային անվտանգության ծառայությունը: