Մեկ տարի առաջ Փաշինյանին հեռացնելու համար Ս. Սարգսյանին ու Ռ. Քոչարյանին գործակցության առաջարկ արած ՀՀ առաջին նախագահն այսօր հայտարարում է, որ ՀՀ ղեկավարի անձից ոչինչ կախված չէ
Քաղաքականություն / Հայաստան
ՀՀ առաջին նախագահ Լևոն Տեր-Պետրոսյանը Հիսուս Քրիստոսի արձանի տեղադրման անթույլատրելիությանը, մի շարք գործիչների կողմից ստորագրված «ողորմելի մանիֆեստին» անդրադառնալուց հետո վերջապես ժամանակ է գտել՝ անդրադառնալու նաև կարևորին՝ ներքաղաքական իրավիճակին։ Այսօր տարածված հայտարարության մեջ ՀՀ առաջին նախագահը մասնավորապես նշել է, թե ներքաղաքական առճակառումը, իր կարծիքով, ոչ թե ուժեղացնում, «այլ ավելի է թուլացնում Հայաստանի դիրքերը առաջիկա դժվարագույն բանակցություններում»: «Ուստի անհասկանալի է, թե որն է այսօրվա ընդդիմության բուն նպատակը: Սերժ Սարգսյանի թեթև ձեռքով Նիկոլ Փաշինյանին փակցվել է «կապիտուլյանտ» պիտակը, ինչը թեև դիպուկ է, բայց կես-ճշմարտություն: Իրականում կապիտուլյացիայի է ենթարկվել ոչ թե Փաշինյանը, այլ Հայաստանը. Փաշինյանն ընդամենը ստորագրել է Հայաստանի կապիտուլյացիայի ակտը: Հետևաբար, ով էլ լինի Փաշինյանի փոխարեն՝ Ռոբերտ Քոչարյանը, Սերժ Սարգսյանը կամ թեկուզ՝ Իշխան Սաղաթելյանը, միևնույն է՝ նրանք հլու-հնազանդ ընդունելու են այն լուծումը, ինչը փաթաթվելու է Հայաստանի վզին: Խնդիրը, ըստ այդմ, Հայաստանի ղեկավարի անձից կախված չէ: Եթե այս պարզ ճշմարտությունը չհասկացվի, և մեր երկրի ներքաղաքական ցնցումները շարունակվեն, ապա մեզ պարտադրվող լուծումները շատ ավելի ցավոտ են լինելու, անկախ այն հանգամանքից, թե Փաշինյանը կամ մեկ ուրիշը կստորագրի վերջնական փաստաթուղթը»:
Նկատենք, որ այս անգամ առաջին նախագահը Փաշինյանի մասին արտահայտվելիս չի գործածել այնպիսի ծայրահեղական բառապաշար, ինչպիսին օրինակ՝ «ազգակործան պահուհաս»-ը, չի միացել նրա հրաժարականի պահանջին՝ ինչպես մեկ տարի առաջ, չի խոսել նրա, թեկուզ ժամանակավոր, արտերկրում ապաստանելու մասին: Դիրքորոշման մեղմացումը, ինչպես ասում են, տեսանելի է։
Ուշագրավ է, որ մեկ տարի առաջ ճիշտ այս օրը՝ մայիսի 5-ին, երբ արդեն նախանշված էին արտահերթ խորհրդարանական ընտրությունները, Լևոն Տեր-Պետրոսյանը հանդես եկավ ցնցող հայտարարությամբ՝ նախկին նախագահներ Սերժ Սարգսյանին և Ռոբերտ Քոչարյանին առաջարկելով ընտրություններին մասնակցել «Ազգային համաձայնության դաշինք» անվանումը կրող ցուցակով: Այն նույն Սերժ Սարգսյանին և Քոչարյանին, որոնց անխոնջ քննադատն էր անցած անվազն 11 տարիների ընթացքում և որոնց ՀՀ բերելու և մեր վզին փաթաթելու համար ժամանակին ներողություն էր խնդրել։ «Ողջ հայության պարտքն է գիտակցել, որ Փաշինյանի վարչախմբի վերարտադրությունը Հայաստանի և Արցախի համար շատ ավելի վտանգավոր է, քան նույնիսկ Ադրբեջանից և Թուրքիայից բխող հնարավոր կամ ենթադրյալ սպառնալիքները»,-մեկ տարի առաջ հայտարարել էր առաջին նախագահը։ Վերջինիս առաջարկը, հիշեցնենք, մերժվեց նախկին նախագահների կողմից, Տեր-Պետրոսյանի գլխավորած «Հայ Ազգային Կոնգրեսը» արտահերթ ընտրություններին մասնակցեց միայնակ ու ստացավ քվեների 1.54 տոկոսը։
Ինչ է ստացվում տերպետրոսյանական վերլուծությունից՝ մեկ տարի առաջ այս օրերին Փաշինյանի վարչախմբի վերարտադրությունը ՀՀ-ին և Արցախի համար վտանգավոր էին և դա պետք էր կանխել Սարգսյանի և Քոչարյանի հետ դաշինք կազմելով, իսկ այսօր, պարզվում է, Հայաստանի ղեկավարի անձից ոչինչ կախված չէ, ով էլ լինի՝ մեկ է, ստորագրելու է «վզին փաթաթվելիքը»։
Հետաքրքիր է՝ եթե առաջին նախագահի առաջարկն ընդունված լիներ երկրորդ և երրորդ նախագահների կողմից, «Ազգային համաձայնության կոալիցիան» իրականություն դառնար, տեսնես 2008-ի «Մարտի 1»-ի և հետմարտիմեկյան դժոխքի միջով անցած ՀԱԿ-ի անդամներն ու բյուր համակիրներն այսօր ի՞նչ էին անելու, շարքային «լաո»-ականի կարգավիճակում ո՞ր փողոցն էին փակելիս լինելու՝ երկրի ղեկավարի հրաժարականին հասնելու, երկրում բռնկված «խաղաղասիրական», «թրքասիրական» «հրդեհը» մարելու համար։
Բայց, ինչպես նախկին նախագահն է ասում, պատմությունը «եթե» չի սիրում, պատմությունն արձանագրում է այն, ինչն արդեն իրականացած է՝ նրա կողմից «թաթար-մոնղոլական խանական համակարգի տիպի» իշխանապետության պարագլուխներին ուղղված ու մերժված գործակցության առաջարկը։
Հ․Գ․ Տեր-Պետրոսյանն իր հայտարարությունը եզրափակում է «ազգանպաստ» առաջարկով՝ նշելով․ «Եթե մեր մտավորականներն իրապես ցանկանում են ազգանպաստ գործ կատարել, թող ստիպեն Նիկոլ Փաշինյանին, Ռոբերտ Քոչարյանին և Սերժ Սարգսյանին նստել մեկ սեղանի շուրջ և ելք գտնել ներքաղաքական ճգնաժամից»: Այս առաջարկի բանալի բառը «եթե»-ն է։
Ե․ Ազատյան
Նկատենք, որ այս անգամ առաջին նախագահը Փաշինյանի մասին արտահայտվելիս չի գործածել այնպիսի ծայրահեղական բառապաշար, ինչպիսին օրինակ՝ «ազգակործան պահուհաս»-ը, չի միացել նրա հրաժարականի պահանջին՝ ինչպես մեկ տարի առաջ, չի խոսել նրա, թեկուզ ժամանակավոր, արտերկրում ապաստանելու մասին: Դիրքորոշման մեղմացումը, ինչպես ասում են, տեսանելի է։
Ուշագրավ է, որ մեկ տարի առաջ ճիշտ այս օրը՝ մայիսի 5-ին, երբ արդեն նախանշված էին արտահերթ խորհրդարանական ընտրությունները, Լևոն Տեր-Պետրոսյանը հանդես եկավ ցնցող հայտարարությամբ՝ նախկին նախագահներ Սերժ Սարգսյանին և Ռոբերտ Քոչարյանին առաջարկելով ընտրություններին մասնակցել «Ազգային համաձայնության դաշինք» անվանումը կրող ցուցակով: Այն նույն Սերժ Սարգսյանին և Քոչարյանին, որոնց անխոնջ քննադատն էր անցած անվազն 11 տարիների ընթացքում և որոնց ՀՀ բերելու և մեր վզին փաթաթելու համար ժամանակին ներողություն էր խնդրել։ «Ողջ հայության պարտքն է գիտակցել, որ Փաշինյանի վարչախմբի վերարտադրությունը Հայաստանի և Արցախի համար շատ ավելի վտանգավոր է, քան նույնիսկ Ադրբեջանից և Թուրքիայից բխող հնարավոր կամ ենթադրյալ սպառնալիքները»,-մեկ տարի առաջ հայտարարել էր առաջին նախագահը։ Վերջինիս առաջարկը, հիշեցնենք, մերժվեց նախկին նախագահների կողմից, Տեր-Պետրոսյանի գլխավորած «Հայ Ազգային Կոնգրեսը» արտահերթ ընտրություններին մասնակցեց միայնակ ու ստացավ քվեների 1.54 տոկոսը։
Ինչ է ստացվում տերպետրոսյանական վերլուծությունից՝ մեկ տարի առաջ այս օրերին Փաշինյանի վարչախմբի վերարտադրությունը ՀՀ-ին և Արցախի համար վտանգավոր էին և դա պետք էր կանխել Սարգսյանի և Քոչարյանի հետ դաշինք կազմելով, իսկ այսօր, պարզվում է, Հայաստանի ղեկավարի անձից ոչինչ կախված չէ, ով էլ լինի՝ մեկ է, ստորագրելու է «վզին փաթաթվելիքը»։
Հետաքրքիր է՝ եթե առաջին նախագահի առաջարկն ընդունված լիներ երկրորդ և երրորդ նախագահների կողմից, «Ազգային համաձայնության կոալիցիան» իրականություն դառնար, տեսնես 2008-ի «Մարտի 1»-ի և հետմարտիմեկյան դժոխքի միջով անցած ՀԱԿ-ի անդամներն ու բյուր համակիրներն այսօր ի՞նչ էին անելու, շարքային «լաո»-ականի կարգավիճակում ո՞ր փողոցն էին փակելիս լինելու՝ երկրի ղեկավարի հրաժարականին հասնելու, երկրում բռնկված «խաղաղասիրական», «թրքասիրական» «հրդեհը» մարելու համար։
Բայց, ինչպես նախկին նախագահն է ասում, պատմությունը «եթե» չի սիրում, պատմությունն արձանագրում է այն, ինչն արդեն իրականացած է՝ նրա կողմից «թաթար-մոնղոլական խանական համակարգի տիպի» իշխանապետության պարագլուխներին ուղղված ու մերժված գործակցության առաջարկը։
Հ․Գ․ Տեր-Պետրոսյանն իր հայտարարությունը եզրափակում է «ազգանպաստ» առաջարկով՝ նշելով․ «Եթե մեր մտավորականներն իրապես ցանկանում են ազգանպաստ գործ կատարել, թող ստիպեն Նիկոլ Փաշինյանին, Ռոբերտ Քոչարյանին և Սերժ Սարգսյանին նստել մեկ սեղանի շուրջ և ելք գտնել ներքաղաքական ճգնաժամից»: Այս առաջարկի բանալի բառը «եթե»-ն է։
Ե․ Ազատյան