Մինչև այս պահը մենք ունենք հաստատված 39 գերի. Վարչապետը՝ Սոնա Ղազարյանին
Այսօր՝ մայիսի 25-ին, ԱԺ-Կառավարություն հարցուպատասխանի ժամանակ «Քաղաքացիական պայմանագիր» խմբակցության պատգամավոր Սոնա Ղազարյանը, հղում անելով բրյուսելյան հանդիպմանը, խնդրեց պարզաբանել, թե ինչ աշխատանքներ են տարվում ռազմագերիներին և Ադրբեջանում պահվող այլ անձանց վերադարձնելու շուրջ:
Պատգամավորի խոսքով՝ որոշ մեկնաբանություններով, Ադրբեջանում պահվող անձինք մեկ հարթության մեջ են դրվել անհետ կորած անձանց հետ:
Ի պատասխան՝ վարչապետ Նիկոլ Փաշինյանը նշեց, որ այդ հարցերը ոչ թե փոխկապակցված են միմյանց, այլ դրանք տեղավորվում են «Հումանիտար հարցեր» վերնագրի ներքո. «Եվ այդքանով են կապված»:
«Բրյուսելում հիմնական քննարկվող թեմաներից մեկը դա է եղել: Միջազգային կազմակերպությունների և մեր դիրքորոշումն այն է, որ գերեվարված մեր հայրենակիցները օր առաջ պետք է վերադարձվեն»,- ասաց վարչապետը և հավելեց, որ մինչև այս պահը մենք ունենք հաստատված 39 գերի, որոնցից մեկը մոլորվելով՝ վերջերս է հայտնվել ադրբեջանցիների վերահսկողության ներքո:
Նիկոլ Փաշինյանի խոսքով, գերեվարվածներին վերադարձնելու լավագույն ձևը միջազգային կառույցների աջակցության միջոցով Ադրբեջանի վրա ճնշում գործադրելն է:
Մանրամասն՝ տեսանյութում:
Պատգամավորի խոսքով՝ որոշ մեկնաբանություններով, Ադրբեջանում պահվող անձինք մեկ հարթության մեջ են դրվել անհետ կորած անձանց հետ:
Ի պատասխան՝ վարչապետ Նիկոլ Փաշինյանը նշեց, որ այդ հարցերը ոչ թե փոխկապակցված են միմյանց, այլ դրանք տեղավորվում են «Հումանիտար հարցեր» վերնագրի ներքո. «Եվ այդքանով են կապված»:
«Բրյուսելում հիմնական քննարկվող թեմաներից մեկը դա է եղել: Միջազգային կազմակերպությունների և մեր դիրքորոշումն այն է, որ գերեվարված մեր հայրենակիցները օր առաջ պետք է վերադարձվեն»,- ասաց վարչապետը և հավելեց, որ մինչև այս պահը մենք ունենք հաստատված 39 գերի, որոնցից մեկը մոլորվելով՝ վերջերս է հայտնվել ադրբեջանցիների վերահսկողության ներքո:
Նիկոլ Փաշինյանի խոսքով, գերեվարվածներին վերադարձնելու լավագույն ձևը միջազգային կառույցների աջակցության միջոցով Ադրբեջանի վրա ճնշում գործադրելն է:
Մանրամասն՝ տեսանյութում: