ՀՀ նախագահը պետք է օր առաջ ստորագրի օրինագիծը. 5 կուսակցությունների համատեղ հայտարարությունը
Քաղաքականություն
Հինգ կուսակցություններ համատեղ հայտարարությամբ են հանդես եկել՝ նշելով, որ Հանրապետության նախագահը պետք է օր առաջ ստորագրի ապրիլի 1-ին խորհրդարանի կողմից ընդունված օրինագիծը:
Հայտարարությունը՝ ստորև.
2021 թվականի ապրիլի 1-ին Ազգային ժողովն ընդունեց Ընտրական օրենսգրքի փոփոխությունների նախագիծը, որով նախատեսվում է վերացնել «ռեյտինգային» ընտրակարգը և գալիք արտահերթ ընտրություններն անցկացնել սովորական համամասնական ընտրակարգով:
Մենք՝ ներքոստորագրյալ կուսակցություններս, ունենալով բազում տարաձայնություններ, համակարծիք ենք, որ «ռեյտինգային» ընտրակարգը աղավաղում էր ընտրությունների քաղաքական մրցակցության տրամաբանությունը, և այդ ընտրակարգից հրաժարումը բխում է հանրային կարծիքից ու հանրային շահից: Այս հարցը, թերևս, վերջին տարիներին ամենաշատը քննարկված օրենսդրական փոփոխություններից մեկն է:
Ավելին, հարկ ենք համարում արձանագրել, որ «ռեյտինգային» ընտրակարգը նաև շեղվում էր Սահմանադրությամբ ամրագրված համամասնական ընտրակարգի տրամաբանությունից, ինչը արձանագրել են թե՜ Հայաստանի հասարակական-քաղաքական դաշտի բազմաթիվ դերակատարներ, թե՜ փորձագետներ և թե՜ Վենետիկի հանձնաժողովը՝ դեռևս սկսված 2016 թվականից:
Թեև ներքոստորագրյալ կուսակցություններն ունեն տարբեր կարծիքներ կապված ընտրությունների կազմակերպման հետ, սակայն փաստում ենք, որ այս փոփոխությունը դրական կանդրադառնա ընտրությունների որակի վրա: Միաժամանակ, համարում ենք, որ մարտ ամսին շրջանառված Ընտրական օրենսգրքի փոփոխությունների փաթեթում առկա են մի շարք այլ կարևորագույն առաջարկներ, որոնց ընդունումը ևս կխթանի առաջիկա ընտրությունների ժամանակ մրցակցության քաղաքական բաղադրիչի աճը:
Հիմք ընդունելով վերոգրյալը՝ համարում ենք, որ
Հանրապետության նախագահը պետք է օր առաջ ստորագրի ապրիլի 1-ին խորհրդարանի կողմից ընդունված օրինագիծը՝ որպես Սահմանադրությամբ ամրագրված ընտրակարգի վերականգնում,
Ազգային ժողովը հնարավորինս սեղմ ժամկետներում պետք է ընդունի Ընտրական օրենսգրքի ընտրական բարեփոխումների մնացած հատվածը (այդ թվում՝ ընտրական հանցագործությունների խստացումը)՝ ապահովելու ընտրությունների անցկացումը առավել քաղաքական մրցակցության մթնոլորտում:
Սույն հայտարարությունը ստորագրում են հետևյալ քաղաքական ուժերը․
«Արդար Հայաստան» կուսակցություն
«Ինքնիշխան Հայաստան» կուսակցություն
«Հանրապետություն» կուսակցություն
«Հանուն Հանրապետության» կուսակցություն
Միավորված Աշխատանքային կուսակցություն
Հայտարարությունը՝ ստորև.
2021 թվականի ապրիլի 1-ին Ազգային ժողովն ընդունեց Ընտրական օրենսգրքի փոփոխությունների նախագիծը, որով նախատեսվում է վերացնել «ռեյտինգային» ընտրակարգը և գալիք արտահերթ ընտրություններն անցկացնել սովորական համամասնական ընտրակարգով:
Մենք՝ ներքոստորագրյալ կուսակցություններս, ունենալով բազում տարաձայնություններ, համակարծիք ենք, որ «ռեյտինգային» ընտրակարգը աղավաղում էր ընտրությունների քաղաքական մրցակցության տրամաբանությունը, և այդ ընտրակարգից հրաժարումը բխում է հանրային կարծիքից ու հանրային շահից: Այս հարցը, թերևս, վերջին տարիներին ամենաշատը քննարկված օրենսդրական փոփոխություններից մեկն է:
Ավելին, հարկ ենք համարում արձանագրել, որ «ռեյտինգային» ընտրակարգը նաև շեղվում էր Սահմանադրությամբ ամրագրված համամասնական ընտրակարգի տրամաբանությունից, ինչը արձանագրել են թե՜ Հայաստանի հասարակական-քաղաքական դաշտի բազմաթիվ դերակատարներ, թե՜ փորձագետներ և թե՜ Վենետիկի հանձնաժողովը՝ դեռևս սկսված 2016 թվականից:
Թեև ներքոստորագրյալ կուսակցություններն ունեն տարբեր կարծիքներ կապված ընտրությունների կազմակերպման հետ, սակայն փաստում ենք, որ այս փոփոխությունը դրական կանդրադառնա ընտրությունների որակի վրա: Միաժամանակ, համարում ենք, որ մարտ ամսին շրջանառված Ընտրական օրենսգրքի փոփոխությունների փաթեթում առկա են մի շարք այլ կարևորագույն առաջարկներ, որոնց ընդունումը ևս կխթանի առաջիկա ընտրությունների ժամանակ մրցակցության քաղաքական բաղադրիչի աճը:
Հիմք ընդունելով վերոգրյալը՝ համարում ենք, որ
Հանրապետության նախագահը պետք է օր առաջ ստորագրի ապրիլի 1-ին խորհրդարանի կողմից ընդունված օրինագիծը՝ որպես Սահմանադրությամբ ամրագրված ընտրակարգի վերականգնում,
Ազգային ժողովը հնարավորինս սեղմ ժամկետներում պետք է ընդունի Ընտրական օրենսգրքի ընտրական բարեփոխումների մնացած հատվածը (այդ թվում՝ ընտրական հանցագործությունների խստացումը)՝ ապահովելու ընտրությունների անցկացումը առավել քաղաքական մրցակցության մթնոլորտում:
Սույն հայտարարությունը ստորագրում են հետևյալ քաղաքական ուժերը․
«Արդար Հայաստան» կուսակցություն
«Ինքնիշխան Հայաստան» կուսակցություն
«Հանրապետություն» կուսակցություն
«Հանուն Հանրապետության» կուսակցություն
Միավորված Աշխատանքային կուսակցություն
Կարդացեք նաև
2 ապրիլ 2021, 18:16
ՀԱԿ-ը, ՔՈ-ն, ՀՅԴ-ն ու «Հայրենիքը»՝ առանց ռեյտինգայինի ընտրության մասին
16 փետրվար 2021, 11:35
Ինչ է ասել Նիկոլ Փաշինյանը պատգամավորների հետ փակ հանդիպմանը․ «Ժողովուրդ»
25 մարտ 2021, 17:42
«Ռեյտինգայինը կոռուպցիայի աղբյուր է»․ Արտախորհրդարանական ուժերը կողմ են համամասնական ընտրակարգով ընտրություններին
1 ապրիլ 2021, 10:22
Ներկայացվել է Ընտրական օրենսգրքի նոր նախագիծ. Առաջարկվում է վերացնել ռեյտինգային ընտրակարգը. «Ժամանակ»
5 ապրիլ 2021, 18:04
Հնարավոր է նախագահը չստորագրի՞ ռեյտինգայինը վերացնելու մասին ԸՕ-ի նախագիծը
26 մարտ 2021, 13:44
«Այսօր խաղի կանոնները փոխել պետք չէ» ․ ԼՀԿ-ն՝ ռեյտինգային ընտրակարգը փոխելու մասին