Տիգրան Վահրամյանի պնդմամբ Գարիկ Սարգսյանն իրեն առանց պատճառաբանության ազատել է աշխատանքից․ Սարգսյանը խոստացել է տեղյակ պահել ազատման իրական պատճառների մասին
Քաղաքականություն
Կուրորտաբանության և ֆիզիկական բժշկության գիտահետազոտական ինստիտուտի տնօրենի ժամանակավոր պաշտոնակատար Տիգրան Վահրամյանն իր ֆեյսբուքյան էջում տեղեկացրել է, որ իրեն անսպասելի առաջարկել են ազատման դիմում գրել:
«2018թ․ վերջից նշանակվել եմ ԿՖԲԳՀԻ տնօրենի ժամանակավոր պաշտոնակատար (Ֆիզիոթերապիայի ինստիտուտ` Օրբելի փողոց)։ Իմ ղեկավարությամբ 2.5 տարվա ընթացքում կատարվել են բազմաթիվ բարեփոխումներ, որը կարող են փաստել և՛ աշխատակիցները, և՛ հիվանդները։ Վերադաս ղեկավարության կողմից չեմ ստացել ոչ մի դիտողություն իրականացվող աշխատանքների վերաբերյալ։
Բուժհիմնարկը 20 տարուց ավել գտնվում է սեփականաշնորհման գործընթացում։ Ս․թ․ ապրիլի 28-ին` շատ անսպասելի, ստացել եմ բանավոր առաջարկ գրել դիմում զբաղեցրած պաշտոնից ազատվելու վերաբերյալ կամ կհեռացվեմ աշխատանքից, որպես վատ կառավարիչ վերադասի հրամանով՝ պետական գույքի կառավարման կոմիտեի նախագահ Գարիկ Սարգսյանից։ Պատճառի մասին զարմացած հարցիս հնչել է պատասխան, որ պարտավոր չէ տեղյակ պահել ինձ որոշման դրդապատճառների մասին։ Խնդրել եմ որոշակի ժամանակ առողջապահության ոլորտի և այլ պատասխանատու պաշտոնյաներից որոշակի պարզաբանումներ ստանալու համար։ Սակայն մինչ օրս ոչ մի պարզաբանում իմ ազատման և կազմակերպության հետագայի վերաբերյալ չեմ ստացել, այլ փոխարենը պետական գույքի կառավարման կոմիտեի նախագահ Գարիկ Սարգսյանի հրամանով մայիսի 3-ից ազատվել եմ տնօրենի պաշտոնից՝ առանց նախնական գրավոր տեղեկացման և պատճառաբանության։
Գիտակցելով բուժհիմնարկի դերը առողջապահական համակարգում՝ հատկապես պատերազմի հետևանքով վիրավորումներ ստացած զինծառայողների վերականգնողական տևական բուժման անհրաժեշտությունը, դիմել եմ և դիմելու եմ օրինականության վերականգնելու և իրականությունը պարզելու համար բոլոր հնարավոր օրինական քայլերին։ Ակնկալում եմ բուժհիմնարկի ճակատագրով հետաքրքրվածների աջակցությունը բուժհիմնարկի հետագայի և հնարավոր անդառնալի հետևանքները կանխելու համար»,-գրել է Տիգրան Վահրամյանը։
Դրանից հետո Վահրամյանի գրառմանն արձագանքել է պետական գույքի կառավարման կոմիտեի նախագահ Գարիկ Սարգսյանը․
«Հարգելի պրն. Վահրամյան, քանի որ դուք որոշեցիք այս ամենը հրապարակային դաշտ տեղափոխել, ապա ես նույնպես ստիպված եմ լինելու մեր հանրությանը տեղյակ պահել Ձեր ազատման իրական պատճառների մասին, որը այնքան էլ Ձեզ դուր չի գա։ Բայց դա կանեմ վաղը, քանի որ չեմ ուզում այսօրվա տոնական օրը փչացնել»։
«2018թ․ վերջից նշանակվել եմ ԿՖԲԳՀԻ տնօրենի ժամանակավոր պաշտոնակատար (Ֆիզիոթերապիայի ինստիտուտ` Օրբելի փողոց)։ Իմ ղեկավարությամբ 2.5 տարվա ընթացքում կատարվել են բազմաթիվ բարեփոխումներ, որը կարող են փաստել և՛ աշխատակիցները, և՛ հիվանդները։ Վերադաս ղեկավարության կողմից չեմ ստացել ոչ մի դիտողություն իրականացվող աշխատանքների վերաբերյալ։
Բուժհիմնարկը 20 տարուց ավել գտնվում է սեփականաշնորհման գործընթացում։ Ս․թ․ ապրիլի 28-ին` շատ անսպասելի, ստացել եմ բանավոր առաջարկ գրել դիմում զբաղեցրած պաշտոնից ազատվելու վերաբերյալ կամ կհեռացվեմ աշխատանքից, որպես վատ կառավարիչ վերադասի հրամանով՝ պետական գույքի կառավարման կոմիտեի նախագահ Գարիկ Սարգսյանից։ Պատճառի մասին զարմացած հարցիս հնչել է պատասխան, որ պարտավոր չէ տեղյակ պահել ինձ որոշման դրդապատճառների մասին։ Խնդրել եմ որոշակի ժամանակ առողջապահության ոլորտի և այլ պատասխանատու պաշտոնյաներից որոշակի պարզաբանումներ ստանալու համար։ Սակայն մինչ օրս ոչ մի պարզաբանում իմ ազատման և կազմակերպության հետագայի վերաբերյալ չեմ ստացել, այլ փոխարենը պետական գույքի կառավարման կոմիտեի նախագահ Գարիկ Սարգսյանի հրամանով մայիսի 3-ից ազատվել եմ տնօրենի պաշտոնից՝ առանց նախնական գրավոր տեղեկացման և պատճառաբանության։
Գիտակցելով բուժհիմնարկի դերը առողջապահական համակարգում՝ հատկապես պատերազմի հետևանքով վիրավորումներ ստացած զինծառայողների վերականգնողական տևական բուժման անհրաժեշտությունը, դիմել եմ և դիմելու եմ օրինականության վերականգնելու և իրականությունը պարզելու համար բոլոր հնարավոր օրինական քայլերին։ Ակնկալում եմ բուժհիմնարկի ճակատագրով հետաքրքրվածների աջակցությունը բուժհիմնարկի հետագայի և հնարավոր անդառնալի հետևանքները կանխելու համար»,-գրել է Տիգրան Վահրամյանը։
Դրանից հետո Վահրամյանի գրառմանն արձագանքել է պետական գույքի կառավարման կոմիտեի նախագահ Գարիկ Սարգսյանը․
«Հարգելի պրն. Վահրամյան, քանի որ դուք որոշեցիք այս ամենը հրապարակային դաշտ տեղափոխել, ապա ես նույնպես ստիպված եմ լինելու մեր հանրությանը տեղյակ պահել Ձեր ազատման իրական պատճառների մասին, որը այնքան էլ Ձեզ դուր չի գա։ Բայց դա կանեմ վաղը, քանի որ չեմ ուզում այսօրվա տոնական օրը փչացնել»։
Կարդացեք նաև
10 մարտ 2021, 14:15
ԱԺ աշխատակազմի ղեկավարն ազատման դիմում է գրել
23 ապրիլ 2021, 17:30
ԵՊՀ ռեկտորի պաշտոնակատար Գեղամ Գեւորգյանը հրաժարականի դիմում է գրել. ՀԺ
20 ապրիլ 2021, 17:32
Բորիս Ավագյանին աշխատանքից հեռացնելու պատճառն աշխատանքային էթիկայի կանոնների խախտումը. ԱԻՊԾ
31 մարտ 2021, 11:22
Վարչապետի աշխատակազմում Հակոբ Արշակյանի ազատման դիմում այս պահին չկա
2 մարտ 2021, 14:37
ՍԴ-ն նախագահից դիմում չի ստացել ԳՇ պետի ազատման դիմումը վիճարկելու հետ կապված
22 փետրվար 2021, 22:47
Մեղրիի համայնքապետարանի ղեկավարի մամուլի քարտուղարը աշխատանքից ազատման դիմում է ներկայացրել