Երևանը կողմ է ՄԱԿ-ի բանաձևին, սակայն ձեռնպահ է Մոսկվային ագրեսոր որակավորմանը
Հայաստան
Օրերս հայտնի դարձավ, որ Հայաստանը կողմ է քվեարկել ՄԱԿ-ում անցած շաբաթ ընդունված ՄԱԿ-ի և Եվրախորհրդի միջև համագործակցության մասին բանաձևին, որը ներառում էր «Եվրոպայի առջև այսօր ծառացած աննախադեպ մարտահրավերները Ուկրաինայի, իսկ մինչ այդ Վրաստանի դեմ Ռուսաստանի Դաշնության ագրեսիայից հետո» ձևակերպումը:
«Ազատություն» ռադիոկայանի փոխանցմամբ՝ Հայաստանի արտգործնախարարությունը տեղեկացրել է, որ Երևանը չի աջակցել բանաձևի վերոհիշյալ պարբերությանը, սակայն կողմ է քվեարկել բուն բանաձևին:
Ինչպես տեղեկացնում է ՄԱԿ-ի տարածած ապրիլի 26-ի հաղորդագրությունը, Ռուսաստանի Դաշնության ներկայացուցիչը, խոսելով քվեարկությունից առաջ իր դիրքորոշման մասին, նշել է, որ իր պատվիրակությունը չի կարող աջակցել բանաձևի նախագիծը 9-րդ պարբերության պատճառով, որը ներառում է Ուկրաինայի ու Վրաստանի նկատմամբ Ռուսաստանի Դաշնության ագրեսիա ձևակերպումը: ՌԴ ներկայացուցիչն այն որակել է «խիստ քաղաքականացված», քննադատել աևմտյան տերություններին և կոչ արել դեմ քվեարկել բանաձեւի նախագծում այդ պարբերության ներառմանը: Ըստ ՄԱԿ-ի մամլո հաղորդագրության՝ ՌԴ ներկայացուցչի բողոքին միացել է նաև Վենեսուելայի ներկայացուցիչը։ Արդյունքում, նախագծի 9-րդ պարբերությունը դրվեց քվեարկության, որին դեմ քվեարկեցին Բելառուսը, Կենտրոնաֆրիկյան Հանրապետությունը, Կուբան, Հյուսիսային Կորեան, Էրիթրեան, Իրանը, Նիկարագուան, Ռուսաստանը, Սուդանը և Սիրիան: Պարբերությունը ընդունվեց 81 կողմ ձայներով: 48 երկիր քվերակել են ձեռնպահ նախագծի այս պարբերության վերաբերյալ:
Մամլո հաղորդագրության տեքստը չի մանրամասնում, թե որ երկրներն են քվեարկել կողմ կամ ձեռնպահ այս պարբերությանը, սակայն «Ազատություն» ռադիոկայանի հաղորդմամբ՝ Հայաստանը ձեռնպահ քվեարկած երկրների շարքում է:
Այսպիսով, Հայաստանը կողմ է քվեարկել ապրիլի 26-ի քվեարկության ժամանակ ՄԱԿ-ի ու Եվրախորհրդի միջև համագործակցության մասին բանաձևին, սակայն ձեռնպահ է քվեարկել բանաձևի 9-րդ պարբերության համար, որը ներառում է «Եվրոպայի առջև այսօր ծառացած աննախադեպ մարտահրավերները Ուկրաինայի, իսկ մինչ այդ Վրաստանի դեմ Ռուսաստանի Դաշնության ագրեսիայից հետո» ձևակերպումը՝ այսպիսով խուսափելով Մոսկվային որակել ագրեսոր։
«Ազատություն» ռադիոկայանի փոխանցմամբ՝ Հայաստանի արտգործնախարարությունը տեղեկացրել է, որ Երևանը չի աջակցել բանաձևի վերոհիշյալ պարբերությանը, սակայն կողմ է քվեարկել բուն բանաձևին:
Ինչպես տեղեկացնում է ՄԱԿ-ի տարածած ապրիլի 26-ի հաղորդագրությունը, Ռուսաստանի Դաշնության ներկայացուցիչը, խոսելով քվեարկությունից առաջ իր դիրքորոշման մասին, նշել է, որ իր պատվիրակությունը չի կարող աջակցել բանաձևի նախագիծը 9-րդ պարբերության պատճառով, որը ներառում է Ուկրաինայի ու Վրաստանի նկատմամբ Ռուսաստանի Դաշնության ագրեսիա ձևակերպումը: ՌԴ ներկայացուցիչն այն որակել է «խիստ քաղաքականացված», քննադատել աևմտյան տերություններին և կոչ արել դեմ քվեարկել բանաձեւի նախագծում այդ պարբերության ներառմանը: Ըստ ՄԱԿ-ի մամլո հաղորդագրության՝ ՌԴ ներկայացուցչի բողոքին միացել է նաև Վենեսուելայի ներկայացուցիչը։ Արդյունքում, նախագծի 9-րդ պարբերությունը դրվեց քվեարկության, որին դեմ քվեարկեցին Բելառուսը, Կենտրոնաֆրիկյան Հանրապետությունը, Կուբան, Հյուսիսային Կորեան, Էրիթրեան, Իրանը, Նիկարագուան, Ռուսաստանը, Սուդանը և Սիրիան: Պարբերությունը ընդունվեց 81 կողմ ձայներով: 48 երկիր քվերակել են ձեռնպահ նախագծի այս պարբերության վերաբերյալ:
Մամլո հաղորդագրության տեքստը չի մանրամասնում, թե որ երկրներն են քվեարկել կողմ կամ ձեռնպահ այս պարբերությանը, սակայն «Ազատություն» ռադիոկայանի հաղորդմամբ՝ Հայաստանը ձեռնպահ քվեարկած երկրների շարքում է:
Այսպիսով, Հայաստանը կողմ է քվեարկել ապրիլի 26-ի քվեարկության ժամանակ ՄԱԿ-ի ու Եվրախորհրդի միջև համագործակցության մասին բանաձևին, սակայն ձեռնպահ է քվեարկել բանաձևի 9-րդ պարբերության համար, որը ներառում է «Եվրոպայի առջև այսօր ծառացած աննախադեպ մարտահրավերները Ուկրաինայի, իսկ մինչ այդ Վրաստանի դեմ Ռուսաստանի Դաշնության ագրեսիայից հետո» ձևակերպումը՝ այսպիսով խուսափելով Մոսկվային որակել ագրեսոր։