Գեղարքունիքի մարզում խոշոր ավտովթարի հետևանքով հիվանդանոց տեղափոխված 3 վիրավորներից 25-ամյա տղան մահացել է

Հասարակություն

11:37, 13 сентябрь 2021

Երեկ՝ սեպտեմբերի 12-ին, հիվանդանոցում մահացել է Երևան քաղաքի բնակիչ՝ 25-ամյա Արմեն Դրմոյանը։

Ինչպես հայտնում է ֆոտոլրագրող Գագիկ Շամշյանը, վերջինս հիվանդանոց էր տեղափոխվել սեպտեմբերի 3-ին Գեղարքունիքի մարզում՝ Սևան-Մարտունի-Գետափ ավտոճանապարհին տեղի ունեցած խոշոր ավտովթարի հետևանքով։

Դեպքի վայր ժամանած ՃՈ 2-րդ սպայական գումարտակի 4-րդ վաշտի ավագ հետաքննիչ Բակուր Սարիբեկյանի կողմից նյութերի նախապատրաստման ընթացքում պարզվել է՝ ՎԱԶ 21124-ը վարել է Գեղարքունիքի մարզի բնակիչ՝ 28-ամյա Արման Մարգարյանը, իսկ Volkswagen-ը վարել է Երևանի բնակիչ՝ 25-ամյա Սարգիս Փիլոյանը։

Վթարի հետևանքով Ս. Փիլոյանը, նրա ուղևորներ՝ Երևանի բնակիչ, 22-ամյա Սերյոժա Հարությունյանն ու երեկ հիվանդանոցւմ մահացած Ա. Դրմոյանը մարմնական վնասվածքներով տեղափոխվել էին «Գավառ» բժշկակամն կենտրոն։
Video Player