Մի խումբ անձինք փակել էին «Զվարթնոց» օդանավակայանի ճանապարհը. ՀԺ
Հասարակություն
Այսօր՝ փետրվարի 21-ին, մի խումբ անձինք փակել էին «Զվարթնոց» օդանավակայանի ճանապարհը՝ խաթարելով երթևեկությունը: Հավաքվածները դեմ էին արտահայտվում ադրբեջանական պատվիրակության անդամների Երևան ժամանելուն:
Ոստիկանները տևական ժամանակ հորդորում էին բացել խաչմերուկը, սակայն ակցիայի մասնակիցները շարունակում էին փակ պահել այն: Դրանից հետո նրանց և ոստիկանների միջև քաշքշուկ սկսվեց, որից հետո ոստիկանները վերականգնեցին հասարակական կարգը:
ՀՀ ոստիկանությունից «Հայկական ժամանակ»-ին փոխանցեցին, որ ակցիայի մասնակիցներից բերման ենթարկվածներ չկան:
Տեղի ունեցած ակցիային «Ֆեյսբուք» սոցիալական ցանցի իր էջում անդրադարձել է նաև ՀՀ վարչապետի աշխատակազմի ղեկավարի տեղակալ Տարոն Չախոյանը՝ գրելով.
«Նույն ֆորմատով 2017 թվականին Բաքվում Եվրանեսթ ԽՎ-ի համաժողովին մասնակցում էին այն ժամանակ պատգամավորներ Արմեն Աշոտյանն ու Մանե Թանդիլյանը։ Հարց է ծագում, թե ինչո՞ւ Բաքու մեկնելիս կամ Բաքվից վերադառնալիս Աշոտյանի ու Մանե Թանդիլյանի դիմաց ճանապարհ չփակեցին։
Այն ժամանակ էլ, ինչպես ակցիայի մասնակիցներն են շեշտում, սահմանին հայ զինվորներ էին կանգնած»:
Հիշեցնենք, որ «Եվրանեսթ» խորհրդարանական վեհաժողովի նիստին մասնակցելու նպատակով Երևան են ժամանել ադրբեջանցի պատգամավորներ Թահիր Միրկիշիլին և Սոլթան Մամեդովը: Այդ մասին հայտնել են ադրբեջանական ԶԼՄ-ները:
Ոստիկանները տևական ժամանակ հորդորում էին բացել խաչմերուկը, սակայն ակցիայի մասնակիցները շարունակում էին փակ պահել այն: Դրանից հետո նրանց և ոստիկանների միջև քաշքշուկ սկսվեց, որից հետո ոստիկանները վերականգնեցին հասարակական կարգը:
ՀՀ ոստիկանությունից «Հայկական ժամանակ»-ին փոխանցեցին, որ ակցիայի մասնակիցներից բերման ենթարկվածներ չկան:
Տեղի ունեցած ակցիային «Ֆեյսբուք» սոցիալական ցանցի իր էջում անդրադարձել է նաև ՀՀ վարչապետի աշխատակազմի ղեկավարի տեղակալ Տարոն Չախոյանը՝ գրելով.
«Նույն ֆորմատով 2017 թվականին Բաքվում Եվրանեսթ ԽՎ-ի համաժողովին մասնակցում էին այն ժամանակ պատգամավորներ Արմեն Աշոտյանն ու Մանե Թանդիլյանը։ Հարց է ծագում, թե ինչո՞ւ Բաքու մեկնելիս կամ Բաքվից վերադառնալիս Աշոտյանի ու Մանե Թանդիլյանի դիմաց ճանապարհ չփակեցին։
Այն ժամանակ էլ, ինչպես ակցիայի մասնակիցներն են շեշտում, սահմանին հայ զինվորներ էին կանգնած»:
Հիշեցնենք, որ «Եվրանեսթ» խորհրդարանական վեհաժողովի նիստին մասնակցելու նպատակով Երևան են ժամանել ադրբեջանցի պատգամավորներ Թահիր Միրկիշիլին և Սոլթան Մամեդովը: Այդ մասին հայտնել են ադրբեջանական ԶԼՄ-ները: