Վեդիում վիճաբանության մասնակից 5 անձ բերման է ենթարկվել․ նրանցից մեկը ստացել է մարմնական վնասվածք․ ոստիկանություն
Հասարակություն
Ինչպես ավելի վաղ հայտնել էինք՝ այսօր Վեդիում «Քաղաքացիական պայմանագիր» կուսակցության նախընտրական հանրահավաքի ընթացքում մի քանի սադրիչներ բախում էին հրահրել, որին միջամտել էր ոստիկանությունը։ Տեղում գտնվող ԱԺ ՔՊ-ական պատգամավոր Ռուստամ Բաքոյանը հայտնել էր, որ մյուս թիմից ինչ-որ մարդիկ պատվերներ են կատարում և սադրանքներ հրահրում. «Ուզում եմ ասել, որ վեդեցիները իրենց համար հարստացման մատերիալ չեն, և վստահ եմ, որ կիրակի օրը մերժելու են ոչ մարդկային այս տեսակին», - նշել էր պատգամավորը եւ հավելել, որ սա առաջին դեպքը չէ, որ մրցակից թիմից փորձում են սադրանքների դիմել։
ՀՀ ոստիկանությունից Civic.am-ին հայտնեցին, որ միջադեպի առթիվ նյութեր են նախապատրաստվում․ «Ժամը 12։30-ի սահմաններում Վեդի քաղաքի մշակույթի տան մոտ ծառայություն իրականացնող ոստիկանները նկատել են, որ մի քանի անձ վիճաբանում են, քաշքշում եւ հարվածներ հասցնում իրար։ Հինգ անձ բերման է ենթարկվել ոստիկանության բաժին։ Պարզվել է, որ կենցաղային հարցի շուրջ վիճաբանության ընթացքում մեկ անձ ստացել է մարմնական վնասվածք։ Այս պահին նշանակված է դատաբժշկական փորձաքննություն, նյութեր են նախապատրաստվում»։
ՀՀ ոստիկանությունից Civic.am-ին հայտնեցին, որ միջադեպի առթիվ նյութեր են նախապատրաստվում․ «Ժամը 12։30-ի սահմաններում Վեդի քաղաքի մշակույթի տան մոտ ծառայություն իրականացնող ոստիկանները նկատել են, որ մի քանի անձ վիճաբանում են, քաշքշում եւ հարվածներ հասցնում իրար։ Հինգ անձ բերման է ենթարկվել ոստիկանության բաժին։ Պարզվել է, որ կենցաղային հարցի շուրջ վիճաբանության ընթացքում մեկ անձ ստացել է մարմնական վնասվածք։ Այս պահին նշանակված է դատաբժշկական փորձաքննություն, նյութեր են նախապատրաստվում»։