Գեղարքունիքում վթարված ավտոբուսի ուղևոր պարի խմբի երեխաները հոսպիտալացման կարիք չեն ունեցել, մյուսները դուրս են գրվել հիվանդանոցից

Այսօր, հուլիսի 18-ին, խոշոր ավտովթար էր տեղի ունեցել Գեղարքունիքի մարզում։ Գիշերը ժամը 00։30-ի սահմաններում Սևան-Մարտունի-Գետափ ավտոճանապարհի 24․5 կմ հատվածում բախվել էին Գեղարքունիքի մարզի բնակիչներ 34-ամյա Գևորգ Գրիգորյանի վարած VAZ 2115 և 40-ամյա Արման Շահինյանի վարած «ՊԱԶ 32053» մակնիշի ավտոմեքենաները։

Վթարի հետևանքով VAZ 2115-ի վարորդ Գ․ Գրիգորյանը տեղում մահացել էր։

Վթարի հետևանքով ՊԱԶ-ի վարորդ Ա․ Շահինյանը տեղափոխվել էր Գավառի բժշկական կենտրոն։ Կենտրոնից Civic.am-ին հայտնեցին, որ վերջինս ստացել է փակ գանգուղեղային տրավմա, գանգուղեղի ցնցում։ Ավելի ուշ էլ Առողջապահության նախարարությունից տեղեկացանք, որ Շահինյանը բուժօգնություն ստանալուց հետո դուրս է գրվել հիվանդանոցից։ 

Շամշյանի տեղեկություններով՝ ավտոբուսը պատկանում է «Մարտունի ՊՈՒԱԿ» ԲԲԸ-ին, ավտոբուսում եղել են 22 ուղևորներ, այդ թվում երեխաներ, ովքեր պարի միջոցառումից վերադառնալիս են եղել Մարտունի։

Այս պահին վթարի հետևանքով հոսպիտալացված անձինք չկան։