Մայիսի սկզբին Երևանը կդառնա եվրոպական ֆուտբոլի մայրաքաղաք. Արայիկ Հարությունյան

ՀՀ վարչապետի գլխավոր խորհրդական Արայիկ Հարությունյանն իր ֆեյսբուքյան էջում գրել է․ 

Եվ ուրեմն, քիչ առաջ Կարեն Դեմիրճյանի անվան մարզահամերգային համալիրում կայացավ ՈՒԵՖԱ-ի ֆուտզալի Չեմպիոնների լիգայի կիսաեզրափակիչների վիճակահանությունը: Մայիսի երեքին Երևանում կխաղան իսպանական «Բարսելոնան» և պորտուգալական «Սպորտինգը», մյուսում՝ պորտուգալական «Բենֆիկան» և իսպանական «Մայորկան»: Եզրափակիչն ու երրորդ տեղի խաղը կկայանա մայիսի հինգին:

Մայիսի սկզբին Երևանը կդառնա եվրոպական ֆուտբոլի մայրաքաղաք: Եկե՛ք այս պատմական իրադարձությանը Ձեր երեխաների հետ: