Զորամասում ստացած այրվածքներից մահացած Պալյան Պողոսյանի գործով դատահրդեհատեխնիկական փորձաքննության եզրակացությունը դեռևս չի ստացվել. ՔԿ
Իրավունք
«Ազատություն» ռադիոկայանի հաղորդմամբ՝ Գյումրի-Երևան ավտոճանապարհի Ազատանի հատվածն այսօր փակել էին անցած տարվա հուլիսին այրվածքների հետևանքով մահացած ժամկետային զինծառայող Պալյան Պողոսյանի հարազատները:
Չնայած շուրջ 7 ամիս անցել է՝ հարազատները նախաքննությունից նորություն չունեն:
Ակցիայի մասնակիցները հայտարարում էին, որ չեն բացի ճանապարհը, մինչև չժամանի նախարարը: Այդուհանդերձ, կեսօրից քիչ անց նրանք բացեցին ճանապարհը՝ հայտնելով, որ պաշտպանության նախարարի հետ զրուցելու են հեռախոսով:
Քննչական կոմիտեի մամուլի խոսնակ Գոռ Աբրահամյանը civic.am-ի հետ զրույցում ասաց, որ նշված դեպքի առթիվ ՀՀ ՔԿ ԶՔԳՎ ութերորդ կայազորային քննչական բաժնում 2022թ. հուլիսի 17-ին ՀՀ քրեական օրենսգրքի 532-րդ հոդվածի 1-ին մասի հատկանիշներով նախաձեռնվել է քրեական վարույթ:
«Քրեական վարույթի շրջանակներում որոշումներ են կայացվել Պ. Պողոսյանին և ևս 3 անձի տուժող ճանաչելու մասին։ Նախաքննության ընթացքում որոշումներ են կայացվել նաև դատահրդեհատեխնիկական, դատաբժշկական և դատանյութագիտական փորձաքննություններ նշանակելու մասին։ Դատահրդեհատեխնիկական փորձաքննության եզրակացությունը դեռևս չի ստացվել, մյուս երկուսով արդյունքներն ստացվել են, որոնց արդյունքներից ելնելով՝ նշանակվել է դատաբժշկական հանձնաժողովային փորձաքննություն»։
Գոռ Աբրահամյանը նշեց, որ գործով հարցաքննվել են մարտական դիրքում մարտական հերթապահություն իրականացնող անձնակազմը, համածառայակիցները, սպայական անձնակազմը, Զանգեզուրի կայազորային հոսպիտալի բժիշկները:
«Նախաքննության ներկա փուլում մեղադրյալի դատավարական կարգավիճակ ունեցող անձինք չկան։ Ենթադրյալ հանցանքի և հանցանք կատարած անձանց առկայությունը հնարավոր կլինի պարզել նշանակված փորձաքննությունների եզրակացությունները ստանալուց և դրանցից բխող քննչական և վարույթային գործողությունները կատարելուց հետո: Քրեական վարույթով նախաքննությունը շարունակվում է»,- հավելեց ՔԿ խոսնակը։
Գեղամ Ադյան
Չնայած շուրջ 7 ամիս անցել է՝ հարազատները նախաքննությունից նորություն չունեն:
Ակցիայի մասնակիցները հայտարարում էին, որ չեն բացի ճանապարհը, մինչև չժամանի նախարարը: Այդուհանդերձ, կեսօրից քիչ անց նրանք բացեցին ճանապարհը՝ հայտնելով, որ պաշտպանության նախարարի հետ զրուցելու են հեռախոսով:
Քննչական կոմիտեի մամուլի խոսնակ Գոռ Աբրահամյանը civic.am-ի հետ զրույցում ասաց, որ նշված դեպքի առթիվ ՀՀ ՔԿ ԶՔԳՎ ութերորդ կայազորային քննչական բաժնում 2022թ. հուլիսի 17-ին ՀՀ քրեական օրենսգրքի 532-րդ հոդվածի 1-ին մասի հատկանիշներով նախաձեռնվել է քրեական վարույթ:
«Քրեական վարույթի շրջանակներում որոշումներ են կայացվել Պ. Պողոսյանին և ևս 3 անձի տուժող ճանաչելու մասին։ Նախաքննության ընթացքում որոշումներ են կայացվել նաև դատահրդեհատեխնիկական, դատաբժշկական և դատանյութագիտական փորձաքննություններ նշանակելու մասին։ Դատահրդեհատեխնիկական փորձաքննության եզրակացությունը դեռևս չի ստացվել, մյուս երկուսով արդյունքներն ստացվել են, որոնց արդյունքներից ելնելով՝ նշանակվել է դատաբժշկական հանձնաժողովային փորձաքննություն»։
Գոռ Աբրահամյանը նշեց, որ գործով հարցաքննվել են մարտական դիրքում մարտական հերթապահություն իրականացնող անձնակազմը, համածառայակիցները, սպայական անձնակազմը, Զանգեզուրի կայազորային հոսպիտալի բժիշկները:
«Նախաքննության ներկա փուլում մեղադրյալի դատավարական կարգավիճակ ունեցող անձինք չկան։ Ենթադրյալ հանցանքի և հանցանք կատարած անձանց առկայությունը հնարավոր կլինի պարզել նշանակված փորձաքննությունների եզրակացությունները ստանալուց և դրանցից բխող քննչական և վարույթային գործողությունները կատարելուց հետո: Քրեական վարույթով նախաքննությունը շարունակվում է»,- հավելեց ՔԿ խոսնակը։
Գեղամ Ադյան