Հունիսի 23-25-ը Արարատյան դաշտում և Երևանում գրանցված մինչ 41,2 աստիճան տաքությունը մոտ երկու աստիճանով գերազանցեց 1998 թվականին դիտված պատմական ռեկորդը․Գագիկ Սուրենյան
Հայաստան
«Սովորաբար ամառային սեզոնին հայաստանյան եղանակային կլիմայական պայմանները ձևավորվում են արևադարձային լայնություններից, հարավից, Իրաքից ներթափանցող արևադարձային տաք օդային հոսանքները, որոնք ըստ օրինաչափության, դրանց բուռն ներհոսքը սկսվում է հունիսից։ Բայս այս տարի այդ օդային զանգվածները մեր երկիր սկսեցին ներթափանցել անմիջապես հունիսի առաջին տասնօրյակից, իսկ հունիսի 15-ից հետո այդ պրոցեսը շատ ավելի սրվեց»,-այդ մասին այսօր մամուլի ասուլիսի ժամանակ ասաց Հիդրոօդերևութաբանության և մոնիթորինգի կենտրոնի տնօրենի տեղակալ Գագիկ Սուրենյանը։
Նրա խոսքով՝ արդյունքում ունեցանք այնպիսի իրավիճակ, որ հունիսի 15-29 ընկած ժամանակահատվածում գրեթե բոլոր օրերին հանրապետության մի շարք շրջաններում, այդ թվում նաև Արարատյան դաշտում և Երևանում, առավելագույն ջերմաստիճանները այդ բոլոր օրերին գերազանցեցին երբևիցե դիտված պատմական առավելագույն արժեքները։
Գագիկ Սուրենյանը նաև նշեց, որ հունիսի 23-25-ը Արարատյան դաշտում և Երևանում ունեցանք մինչև 41,2 աստիճան տաքություն, որը մոտ երկու աստիճանով գերազանցեց 1998 թվականին դիտված պատմական ռեկորդը՝ 39,2-39,4 աստիճանը։
«Ստացվեց, որ այս տարվա հունիսը օդերևութաբանության պատմության մեջ դարձավ և՛ միջին ջերմաստիճանով, և՛ շոգերի տևողությամբ, ջերմաստիճանի առավելագույն ցուցանիշներով՝ ամենատաքը»,-ասաց Գագիկ Սուրենյանը։
Ինչ վերաբերում է տեղումներին, Գագիկ Սուրենյանը նշեց, որ 2000 թվականից հետո ունեցել ենք աննախադեպ պատկեր՝ Գեղարքունիքի մարզից Մասրիկի հատվածը, Արարատյան դաշտից Արտաշատ-Ուրցաձոր հատվածը և Երևանի առանձին հատվածներ ընդհանրապես ամբողջ հունիս ամսվա ընթացքում տեղումներ չեն գրանցվել, իսկ հյուսիսային շրջաններում՝ Լոռի, Տավուշ, Շիրակում թափվել է ամսկաան նորմայի տեղումների ընդամենը 30-ից 40 տոկոսը։
«Ոռոգովի տարածքների վրա դեռևս առանձնապես որևէ լուրջ ազդեցություն չեն թողել։ Խոսքը գնում է ոչ ոռոգովի տարածքների մասին, որոնք հիմա խոցելի են, մասնավորապես՝ խոսքը գնում է Շիրակի, Արագածոտնի լեռնային շրջանների, Գեղարքունիքի, Կոտայքի լեռնային շրջանների մասին, այսինքն՝ այն տարածքները, որոնք ոռոգովի չեն։ Այդ հատվածներում, բնականաբար, սակավ տեղումները և բարձր ջերմային ֆոնը իրենց անմիջական բացասական ազդեցությունն են թողել գյուղատնտեսության վրա։ Եվ խոտհարքներն են բավականին տուժել, որովհետև տեղումների երկարատև բացակայության պայմաններում խոտի աճը կամ թուլանում է կամ ընդհանրապես դադարում է»,-ասաց Գագիկ Սուրենյանը։
Այնուհետև նա ՇՄ Հիդրոօդերևութաբանության և մոնիթորինգի կենտրոնի անունից կոչով դիմեց մեր ազգաբնակչությանը նշելով, որ իրենք ամենօրյա տեղեկագրում և կանխատեսումներում զգուշացնում են, որ հանրապետությունում, մասնավորապես՝ Արարատյան դաշտում, դրա նախալեռնային գոտին, Վայոց ձորը և նդրա նախալեռնային գոտին, Սյունիքի հովտային գոտին ամենաբարձր կարգի 5-րդ աստիճանի հրդեհավտանգ իրավիճակ է, այնպես որ թող պահպանեն հրդեհավտանգության կանոնները և շատ զգույշ լինեն, որովհետև մի փոքր անզգուշությունը կարող է պատճառ դառնալ աղետալի հրդեհների։
Նրա խոսքով՝ արդյունքում ունեցանք այնպիսի իրավիճակ, որ հունիսի 15-29 ընկած ժամանակահատվածում գրեթե բոլոր օրերին հանրապետության մի շարք շրջաններում, այդ թվում նաև Արարատյան դաշտում և Երևանում, առավելագույն ջերմաստիճանները այդ բոլոր օրերին գերազանցեցին երբևիցե դիտված պատմական առավելագույն արժեքները։
Գագիկ Սուրենյանը նաև նշեց, որ հունիսի 23-25-ը Արարատյան դաշտում և Երևանում ունեցանք մինչև 41,2 աստիճան տաքություն, որը մոտ երկու աստիճանով գերազանցեց 1998 թվականին դիտված պատմական ռեկորդը՝ 39,2-39,4 աստիճանը։
«Ստացվեց, որ այս տարվա հունիսը օդերևութաբանության պատմության մեջ դարձավ և՛ միջին ջերմաստիճանով, և՛ շոգերի տևողությամբ, ջերմաստիճանի առավելագույն ցուցանիշներով՝ ամենատաքը»,-ասաց Գագիկ Սուրենյանը։
Ինչ վերաբերում է տեղումներին, Գագիկ Սուրենյանը նշեց, որ 2000 թվականից հետո ունեցել ենք աննախադեպ պատկեր՝ Գեղարքունիքի մարզից Մասրիկի հատվածը, Արարատյան դաշտից Արտաշատ-Ուրցաձոր հատվածը և Երևանի առանձին հատվածներ ընդհանրապես ամբողջ հունիս ամսվա ընթացքում տեղումներ չեն գրանցվել, իսկ հյուսիսային շրջաններում՝ Լոռի, Տավուշ, Շիրակում թափվել է ամսկաան նորմայի տեղումների ընդամենը 30-ից 40 տոկոսը։
«Ոռոգովի տարածքների վրա դեռևս առանձնապես որևէ լուրջ ազդեցություն չեն թողել։ Խոսքը գնում է ոչ ոռոգովի տարածքների մասին, որոնք հիմա խոցելի են, մասնավորապես՝ խոսքը գնում է Շիրակի, Արագածոտնի լեռնային շրջանների, Գեղարքունիքի, Կոտայքի լեռնային շրջանների մասին, այսինքն՝ այն տարածքները, որոնք ոռոգովի չեն։ Այդ հատվածներում, բնականաբար, սակավ տեղումները և բարձր ջերմային ֆոնը իրենց անմիջական բացասական ազդեցությունն են թողել գյուղատնտեսության վրա։ Եվ խոտհարքներն են բավականին տուժել, որովհետև տեղումների երկարատև բացակայության պայմաններում խոտի աճը կամ թուլանում է կամ ընդհանրապես դադարում է»,-ասաց Գագիկ Սուրենյանը։
Այնուհետև նա ՇՄ Հիդրոօդերևութաբանության և մոնիթորինգի կենտրոնի անունից կոչով դիմեց մեր ազգաբնակչությանը նշելով, որ իրենք ամենօրյա տեղեկագրում և կանխատեսումներում զգուշացնում են, որ հանրապետությունում, մասնավորապես՝ Արարատյան դաշտում, դրա նախալեռնային գոտին, Վայոց ձորը և նդրա նախալեռնային գոտին, Սյունիքի հովտային գոտին ամենաբարձր կարգի 5-րդ աստիճանի հրդեհավտանգ իրավիճակ է, այնպես որ թող պահպանեն հրդեհավտանգության կանոնները և շատ զգույշ լինեն, որովհետև մի փոքր անզգուշությունը կարող է պատճառ դառնալ աղետալի հրդեհների։