Արմեն Գրիգորյանը ԳԴՀ-ում հանդիպել է մի շարք պաշտոնյաների հետ
Հասարակություն
Նոյեմբերի 29-ին Գերմանիայի Դաշնային Հանրապետություն կատարած աշխատանքային այցիս շրջանակներում հանդիպել եմ ԳԴՀ կանցլերի արտաքին և անվտանգության քաղաքականության հարցերով խորհրդական Յենս Պլյոտների, ԳԴՀ ԱԳՆ պետնախարար Թոբիաս Լինդների, ԳԴՀ ԱԳՆ Արևելյան Եվրոպայի, Կովկասի և Միջին Ասիայի հարցերով քաղաքական տնօրեն Մաթիաս Լյութենբերգի հետ: Հանդիպումներ եմ ունեցել նաև ԳԴՀ Բունդեսթագի արտաքին հարաբերությունների հանձնաժողովում. ֆեյսբուքի իր էջում գրել է ՀՀ ԱԽ քարտուղար Արմեն Գրիգորյանը։
Քննարկել ենք միջազգային և տարածաշրջանային անվտանգային իրավիճակը: Զրուցակիցներիս եմ ներկայացրել մեր տարածաշրջանում առկա անվտանգային մարտահրավերները և ընդգծել դրանց հանգուցալուծմանն ուղղված ՀՀ տեսակետներն ու ջանքերը:
Ողջունել եմ Գերմանիայի կառավարության կողմից կայացված որոշումը, ըստ որի Հայաստանը ներառվել է Տնտեսական և միջազգային համագործակցության դաշնային նախարարության՝ մինչև 2030 թվականի բարեփոխումների ռազմավարության մեջ:
Հանդիպումների ընթացքում հայ-գերմանական երկկողմ հարաբերություններին առնչվող մի շարք հարցերի շուրջ ծավալել ենք անկեղծ զրույցներ:
Բարձր գնահատելով քաղաքական ներկայիս շփումները՝ հանդիպման մասնակիցների հետ պայմանավորվել ենք առավել զարգացնել երկխոսությունը բարձր և բարձրագույն մակարդակներում:
Կարդացեք նաև
18 մարտ 2022, 17:18
ԱԽ քարտուղարը աշխատանքային այցով կմեկնի Գերմանիա
22 մարտ 2022, 13:48
Արմեն Գրիգորյանն ու Ենս Պլյոտներն անդրադարձել են տարածաշրջանային ու գլոբալ անվտանգության հարցերի
22 մարտ 2022, 21:57
ՀՀ ԱԽ քարտուղարը և ԳԴՀ ԱԳՆ պետնախարարը մտքեր են փոխանակել տարածաշրջանային ու գլոբալ անվտանգային հարցերի շուրջ
8 հուլիս 2022, 14:19
Քաղաքական խորհրդակցություններ ՀՀ և ԳԴՀ արտաքին գործերի նախարարությունների միջև
10 նոյեմբեր 2022, 10:16
Արմեն Գրիգորյանը Լիտվայի վարչապետի ու ԱԳ փոխնախարարի հետ քննարկել է Հարավային Կովկասում ու Հայաստանի շուրջ առկա անվտանգային մարտահրավերները
8 նոյեմբեր 2022, 18:28
Արմեն Գրիգորյանը Լեհաստանի Ազգային Անվտանգության բյուրոյի ղեկավարի հետ հանդիպման ընթացքում քննարկել է տարածաշրջանային անվտանգությանն առնչվող հարցեր