Բրյուսելում հակաիրանական պատժամիջոցներ կընդունեն որոշ անհատների և կազմակերպությունների դեմ

ԵՄ արտաքին գործերի խորհուրդը երկուշաբթի օրը Բրյուսելում կքննարկի Ուկրաինայում իրավիճակի զարգացումը, սակայն այս անգամ այն չի ընդունի Ռուսաստանի Դաշնության դեմ պատժամիջոցներ, լրագրողներին ասել է եվրոպացի բարձրաստիճան պաշտոնյան։

«Ռուսաստանի դեմ նոր պատժամիջոցների ուղղությամբ աշխատանքներ են տարվում: Դրանք պատրաստ կլինեն մինչև տարեվերջ»,- ասել է աղբյուրը լրատվամիջոցների ներկայացուցիչներին՝ նրանց անանունության պայմանով ներկայացնելով ԵՄ ԱԳ նախարարների խորհրդակցության օրակարգը: 

Նա նաև նշել է, որ Բրյուսելը տեղյակ է այն հաղորդագրությունների մասին, որոնք վերաբերում են ռուսական կողմին իբր իրանական բալիստիկ հրթիռներ մատակարարելու ծրագրերին, և ԵՄ-ն փորձում է սեփական տեղեկատվությունը ստանալ իրերի իրական վիճակի մասին։

«Սա անհանգստություն է առաջացնում, և եթե մենք ունենանք դրա հաստատումը, ապա կարձագանքենք պատժամիջոցներ սահմանելով»,- ասել է ԵՄ պաշտոնյան։

 Աղբյուրը հաստատել է, որ այս նիստին կընդունվեն հերթական պատժամիջոցները «որոշ անհատների և կազմակերպությունների դեմ՝ կապված Իրանում տիրող իրավիճակի հետ», որը ստեղծվել է բողոքի շարժման ֆոնին ոստիկանության կողմից ձերբակալված իրանցի երիտասարդ կնոջ՝ Մահսա Ամինիի մահից հետո։