Կարճ ժամանակում հանրությանը տեսանելի կլինի Անտառային կոմիտեի արագ արձագանքման խմբի գործունեությունը. Ռոմանոս Պետրոսյան
Տնտեսություն
ՀՀ շրջակա միջավայրի նախարարի պաշտոնակատար Ռոմանոս Պետրոսյանը տեղեկացրել է, որ այսօր խորհրդակցություն է անցկացրել անտառային հողերի՝ օրենքով սահմանված նպատակներով օգտագործման տալու կարգի և վարձավճարների, ինչպես նաև անտառային ծառայություն ստեղծելու վերաբերյալ:
Խորհրդակցությանը մասնակցել են շրջակա միջավայրի նախարարության գլխավոր քարտուղար Գ․ Գուլյանը, ՇՄՆ անտառային կոմիտեի նախագահի պաշտոնակատար Ա․ Պետրոսյանը, «Հայանտառ» ՊՈԱԿ-ի տնօրենի պաշտոնակատար Պ․ Ցուգունյանը, մասնագիտական ստորաբաժանումների ներկայացուցիչներ։
Խորհրդակցությանը մասնակցել են շրջակա միջավայրի նախարարության գլխավոր քարտուղար Գ․ Գուլյանը, ՇՄՆ անտառային կոմիտեի նախագահի պաշտոնակատար Ա․ Պետրոսյանը, «Հայանտառ» ՊՈԱԿ-ի տնօրենի պաշտոնակատար Պ․ Ցուգունյանը, մասնագիտական ստորաբաժանումների ներկայացուցիչներ։
«Քննարկել ենք անտառային հողերը իրավաբանական և ֆիզիկական անձանց վարձակալության տալու պայմանները, իրավական կարգավորումները, ինչպես նաև բնապահպանական, սանիտարական նորմերի խստագույն պահպանման անհրաժեշտությունը։
Անտառային հողերի օգտագործման համար սահմանվելու են հստակ չափորոշիչներ, որոնց բավարարելու դեպքում միայն տնտեսվարողը կարող է կնքել վարձակալության պայմանագիր։
Նախատեսվում է մոտ ապագայում Անտառային կոմիտեի կազմում ստեղծել արագ արձագանքման խումբ, որը ըստ անհրաժեշտության անտառային հողերում շաբաթվա բոլոր օրերին 24-ժամյա պատշաճ հսկողություն կիրականացնի։
Քննարկել ենք ծառայության ստեղծման մանրամասները, հայտնել եմ ակնկալիքներս ծառայությունից․ այն պետք է օժտված լինի անտառների պահպանությունը իրականացնելու ամբողջական գործիքակազմով և լիարժեք իրացնի իրեն տրված մանդատը։
Ծառայությունը միտված է մի շարք այլ գերատեսչությունների և իրավապահ մարմինների սերտ փոխգործակցությամբ հսկողություն իրականացնելու նաև «Հայանտառ» ՊՈԱԿ-ի՝ ծառայությունների պատշաճ կատարման նկատմամբ և իր գործունեությամբ նպաստելու անտառային պաշարների արդյունավետ օգտագործման և կայուն կառավարման պետական ծրագրերի իրականացմանը»,- Ֆեյսբուքի իր էջում գրել է Ռոմանոս Պետրոսյանը:
Կարդացեք նաև
10 մարտ 2021, 17:56
Բնության հատուկ պահպանվող տարածքների վարձակալության կամ կառուցապատման իրավունքով տրամադրման գործընթացները շուտով կվերամեկնարկեն
25 փետրվար 2021, 10:46
Նոր ծառայություն՝ անտառները պահպանելու համար. «Ժամանակ»
16 մարտ 2021, 18:24
Մասնավոր ընկերությանն անհատույց տրամադրված անտառային հատուկ պահպանվող տարածքները կվերադարձվեն պետությանը
30 հունիս 2021, 12:05
Յուրաքանչյուր արձանագրված դեպքի մասով ներկայացնել մանրամասն տեղեկատվություն. ՇՄՆ
5 մարտ 2021, 11:55
3 նոր ՈՒԱԶ ֆուրգոն՝ Սյունիքի մարզի պահպանվող տարածքների և անտառային տարածքների պահպանությունը արդյունավետ իրականացնելու համար
7 ապրիլ 2021, 22:03
Արցախում կհիմնվի անտառային տնկարանային տնտեսություն, «Արցախանտառ»-ին կնվիրաբերվի 100.000 տնկի