Ոչ մեկը ձեզ չէր խանգարել հարցը քննարկել տնտեսական հարցերի հանձնաժողովում. Գևորգ Պապոյանը՝ Վահե Հակոբյանին

«Հարգելի ընդդիմության ներկայացուցիչներ, խնդրում եմ հարցերը այնպես ձևակերպեք, որ տպավորություն չստեղծվի, թե մեր կառավարությունը ձեզ զոռով բերել է աշխատելու, և դուք չէիք ուզում գալ աշխատել»,- այսօր՝ մարտի 9-ին, ԱԺ արտահերթ նիստում հայտարարեց «Քաղաքացիական պայմանագիր» խմբակցության պատգամավոր Գևորգ Պապոյանը և հավելեց, որ անկախ նրանից՝ արտահերթ նիստ լինելու էր, թե ոչ, ինքը գնալու էր Ազգային ժողով և աշխատելու էր:

Դիմելով «Հայաստան» դաշինքի պատգամավոր Վահե Հակոբյանին՝ պատգամավորն ասաց. «Ոչ մեկը ձեզ չէր խանգարել, որ հարցը քննարկվեր տնտեսական հարցերի հանձնաժողովում, օրինակ՝ ֆինանսական և բյուջետային հարցերի հանձնաժողովը քննարկել է»:

Նա ընդգծեց, որ նախագիծը ծխելու դեմ է. «Եվ ցանկացած բան, որ այստեղ ասվում է, նշանակում է, որ մենք ծխելուն կողմ ենք»:

Մանրամասն՝ տեսանյութում: