ՄԱԿ-ում պատասխանել են միջուկային զենք կիրառելու պատրաստակամության մասին Կիմ Չեն Ինի խոսքերին

ՄԱԿ-ը դեմ է միջուկային զենքի կիրառման հնարավորության մասին հաղորդագրություններ պարունակող հռետորաբանությանը, ճեպազրույցում ասել է ՄԱԿ-ի գլխավոր քարտուղարի խոսնակի տեղակալ Ֆարհան Հաքը։

«Մենք դեմ ենք ցանկացած հռետորաբանության՝ կապված նման մահաբեր զենքի կիրառման հետ և շարունակում ենք կոչ անել վերսկսել բանակցությունները Կորեական թերակղզու խաղաղ ապամիջուկայնացման շուրջ»,- ասել է Հաքը՝ մեկնաբանելով ԿԺԴՀ ղեկավարի խոսքերը։

Ավելի վաղ Հյուսիսային Կորեայի առաջնորդ Կիմ Չեն Ինը չորեքշաբթի Կորեական պատերազմում զինադադարի տարեդարձի տոնակատարության ժամանակ իր ելույթում ասել էր, որ ԿԺԴՀ-ն ցանկացած պահի լիովին պատրաստ է արագ և ճշգրիտ մոբիլիզացնելու իր «միջուկային զսպման ուժերը», և եթե Սեուլը որոշի «կանխարգելիչ հարված» հասցնել ԿԺԴՀ-ի դեմ, ապա նրա կառավարությունը և բանակը, և «բանակի հրոսակախմբերը» կկործանվեն։